مرااااااااحب يابنات الانقلش
انا حابه اذا دخلت التخصص
ادخل الانجليزي
بس كل اللي حولي يقووولوا صعب
وانا كانت درجاتي زينه بالمدرسه بالانجليزي
يعني افهم على المدرسه
بس ما اعرف اتكلم او احادث
وكتابتي مو ذاااك الزود
اممم كل وحده تذكر تجربتها بالانجلش لي تككفون
من (((جميع النواحي)))
وايش ممكن اتوظف بعدين ان شااااااااااء الله اذا تخرجت غير التدريس
يعني كلمووني عن كل شي عنه اقسامه
دراسته
وهل تطورت لغتكم
ولازم تكون لغتي زينه عشان انجح واجيب معدل عالي
ولا اللي مثل حالتي تفشل
تكككككككككككككفون ابي ادق ادق ادق التفااصيل
ووربي يوفقكم ويرزقكم
بتساعدوني والله!
والسلام عليكم ورحمة الله وبركاته
سبحان الله وبحمده
سبحان الله العظيم
(خفيفتان على اللسان ثقيلتان بالميزان)
مسويه قرنين @msoyh_krnyn
عضوة فعالة
يلزم عليك تسجيل الدخول أولًا لكتابة تعليق.
ms-hawa
•
سبحان الله القسم هذا يغير فيك بشكل ايجابي من دون ماتحسين ..
صادقه هذا الي انا لاحظته بنفسي بس ممكن تقوليلي من اي ناحيه تقصدين انا دخلت القسم شي وطلعت شي تاني
صادقه هذا الي انا لاحظته بنفسي بس ممكن تقوليلي من اي ناحيه تقصدين انا دخلت القسم شي وطلعت شي تاني
active
•
اذا خاطرك الانجليزي ما عليك من أحد . بس أنتي خلي كلمة بغير القسم ورا ظهرك ولا تلتفتين لها .
ترجمي اقري إسألي ...............
بتتعبين شوي بس كملي .
English teacher for ten years .
ترجمي اقري إسألي ...............
بتتعبين شوي بس كملي .
English teacher for ten years .
الصفحة الأخيرة
اغلب اللي يدخلون القسم نفس حالك .. المشكلة كانت في مناهجنا بالثانوية .. حسيت انه فيه مرحلة مفقودة بين الثانوية والجامعة .. كآن لازم يكون الانقلش فيها مكثف .. اشوف اختي الحين بأول ثانوي ماشاء الله تسولف بالانجلش وتفهم مستواها احسن من مستواي وانا باول جامعة , هي بدت صح , ناوية من الحين تدخل ادب انجليزي , فـ صارت احيانا تتابع افلام مو مترجمه .. تسمع اغاني وتدور على كلماتها وتقراها .. اتذكر مره حملت تولبار فيه اذاعة اجنبيه .. صارت وهي جالسه ع اللاب توب تشتغل تحط السماعات وتسمع .. وهذا اللي يبغالك تسوينه ابدئي اشتغلي على لغتك..
دخلت القسم وللأسف مستواي مو هذاك الزود
يعني بالقوة كنت أألف جمله مفيدة : ) ولا اتكلم من اصله ..
بس كنت متفوقه فيه ايام المدرسة لاني كنت اذاكر .. وتعرفين مناهجنا لاتغني ولاتسمن من جوع نفس المعلومات يعيدون فيها ويزيدون .. يعني تفوقك في الثانوي مايعتبر مقياس لتفوقك في الانقلش في الجامعة
.. وجت تيتشرتي المصرية قالت لامي بنتك لاتدخلينها الا انقلش : )
الله يسامحها اخذت بعمري مقلب ودرعمت ع القسم ..
أول ترم قلت راح اطلع وماراح اكمل كنت نعنووعه وماتحمل على عمري .. كنت اجلس ع الكتاب واترجم صفحة صفحة .. ويضيع وقتي ع الترجمة ولساتي ماذاكرت !! بجد كانت ايام صعبة حاسه اني بمكان مو مكاني خصوصا مع وجود ناس بلبل وتشارك وتاخذ وتعطي واحنا لساتنا مستوى اول .. بس يبغالك عزيمة وهمه عاليه .. وحطي ببالك اللي يدرسونه الحين واللي تخرجو واللي ب يتخرجون مو أحسن منك ,,
و من بداية كل ترم لنهايته تحسين فرق كبير بمستواك .. يتحسن كثير .. اول محاضرة حسيت بشي غريب التيتشر تحكي انقلش اكسنت امريكي .. ويالله القط was , i'm وكم حاجة بسييييطة .. واحيان بجد مادري وش تقول .. بس اخذ الزبدة من كل كلاس وباقي الحكي ارميه :42:
من ناحية المعدل العالي لا مايحتاج لغة تووب ,, يحتاج جهد + مذاكره أول بأول ..
فيه بنات كان الانقش عندهم مثل العربي ويمكن احسن ويرسبون في مواد تافهه مثل القرامر !! والا شعر ..!!
الحكمة في المذاكرة .. حاله حال العربي انتي تحكين عربي من ولادتك .. بس مو شرط تنجحين في النحو .. الا اذا اجتهدتي وذاكرتي .. القسم مو مستحيل والا هو صعب بنفس الدرجة اللي يتكلمون عنها الناس ..
من ناحية التوظيف عندك مدرسة أو مدرسة :42:
امزح ..
ممكن بنك , مستشفى .. أو اذا حابه كملي في نفس الجامعة معيدة اذا جبتي معدل عالي ان شاء الله واحس هذا الافضل ..
امممممممممممم طولت عليك بالرد هذا وانا اختصر من الصبح :42:
بس بجد قسم ممتع لاقصى درجة خصوصا لو فكرتي تدخلين أدب .. تحسين دراستك مو دراسة جامدة بالعكس فيها حياة .. سبحان الله القسم هذا يغير فيك بشكل ايجابي من دون ماتحسين ..
اذا حابه تبدأين من الحين ممكن اعطيك اسماء كتب ومواقع تفيدك ..
موفقه يآ رب وعقبال ما تمشين وتتمشين في القسم ..
ولاتنسينا من دعواتك تكون هذي سنة تخرجي
^_^