a-n-t :

انا عندي متجر في الانستقرام , واكتب الاسعار والمقاسات تحت الصور بالتفصيل واذا جتني بنت تسأل في الواتس عن الاسعار اقولها موجوده تحت القطعه مسأله اخاف تاجره تنافسني او من هالقبيل هذا مايهمني يكفي اني واثقه من بضاعتي و اسعاري كلها معقوله وتعتبر مميزه بعد وسبق مريت بموقف قبل فتره تاجره طلبت مني تبادل اعلاني و وافقت ونزلت اعلانها بعدها بدقايق جيت ادخل حسابها اشوف نزلت اعلاني او لا القاها حظرتني رحت ضفتها بحسابي الشخصي القاها تنزل بعض قطعي وبنفس صوري تاخذها وتقصها ونفس طريقه كتابتي للقياسات يعني نسخ لصق من حسابي وتحطها بنص السعر !! وانا متاكده القطع الي اختارتها اسعارها الاساسي مستحيل تلقاها بالسعر الي كتبته استغربت في البدايه بس قلت الله يعطيها على قد نيتها بعد يومين لقيتها حذفت الصور الي نزلتها وتبي تنافسني فيها وفهمت حركتها سوت كذا عشان يجيها متابعيني وينبهرون برخص اسعارها والا هي مستحيل تبيعها بخساره لان اغلب المتابعين يشوفون الصور الاولى واذا لقوها حلوه واسعار معقوله اضافو خصوصا ان اسعارها للقطع الباقيه وهي اقل جوده وشكل اغلى من الي خذتهم مني وخسفت سعرها , وعندها قطع قديمه نفس حقتي وسعرها دبل اسعاري .. استغرب من قله الادب الي في بعض الناس فحركتها كانت واضحه اعتبرها تاجره غبيه , وسبحان الله مر فتره وعدد متابعينها مايزيد وكل يوم تنزل خصومات والاحظ ما عليها اقبال النيه السيئه دائما ترجع على صاحبها بعض الناس تظن الرزق بيجي بالغصب او بالسرقه و الحيله ما تدري ان الرزق والتوفيق يجي من الله سبحانه واهم اسبابه التوكل عليه واخلاص النيه اما الخوف من اني القى وحده تعلق على اسعاري او تقول غالي لازم نفهم ان فيه ناس ما تخاف الله انا هالنوعيه ولله الحمد نادره جدا عندي , وبتلقين تعلقيات من ناس عديمه ذوق بتقول وع ومو حلو وش بتسوين بهالحال واذا مر علي وحده كذا على طول بلوك واريح راسي واغلب هالنوعيه ترا ما تشتري اصلا , ولا تعرف اسعار المواقع و لاشي مستحيل تطلب من النت اساسا لا من تاجره ولا من موقع انا انصحك تكونين واضحه وصريحه السعر والقياسات اكتبيها بشكل واضح و ربي بيعطيك على قد نيتك ويرزقك

انا عندي متجر في الانستقرام , واكتب الاسعار والمقاسات تحت الصور بالتفصيل واذا جتني بنت تسأل في...

rifeeen :

انا اشوف تاجرات ما يحطون الاسعار بس ما احب اتعامل معهم احس ان سعرها غالي وخايفة تكتبه عموماً انا تاجرة واحط سعر السلعة بالصورة او اذا نزلتها ثانية ما احط السعر واول ما تسألني ارد على طول لاني ما ابي تجي واتس الا الجادة فالشراء وعارفة السعر مو فاضيه ارد على الاستفسارات كلها

انا اشوف تاجرات ما يحطون الاسعار بس ما احب اتعامل معهم احس ان سعرها غالي وخايفة تكتبه...