الانطباع الاول ... من المطعم الاول ..

,,
,

طلع الاخ عازمها في مطعم "برجر كنج" ..
تقول صاحبتنا :
اول ماشفت المطعم مدري ليه حسيت بقهر..الحين شهرين وانت تطلب مني اطلع وبالخير موديني مطعم .. الله بس يديم النعمه ..
لكن انصدمت يوم شفته مبسووووووووط وكانه طالب شيف خاااص لي انا..
خنقتني العبره .. بس نزلت احتراما لمشاعره ..

وكنت انتظر بس متى ارجع البيت .. وبنفس الوقت افكر باامي وخواتي اللي متحمسات
وش بقولهم ... اقولهم الاخ موديني برجر كنج ..؟؟

بعد ماخلص الاخ اكله .. ووصلت البيت .. كنت ادور غرفتي عشان اهرب من نظرات خواتي وامي ..
كنت ماابي اتكلم وابكي قدامهم << ياعمري ياوخيتي

احم احم ..
المهم خواتها وامها ماتركوها لحالها وقاموا يسالون :
هااه وش صار ووين رحتي ووش سويتوا و و و و
ومادروا الا البنت منفجره وتصييح ..
ويحاولون يهدون ابد ماعندك احد
وتبكي وتبكي الا على دخلت ابوها

وانهبل ابوها يوم شافها تصيح
شطح تفكيره الشايب << حسباله ان الولد مسوي لبنته شي

ويحاولون فيها ..يمين يسار فوق تحت من هنا ومن هنااك .. بالأخيييييييير قالت : رجااااااااااااااااااااااااااااااااااااءً فكووني منه
ماابغاااااااااااااااااااااااااااااااااااااااااه << مابغت تطلع وانا اختس

وفعلت صار اللي تبيه وانفصلت ..
وعرفوا كل جماعتها ان خطيبها عشاها ببرجر كنج ومن بعدها البنت طلبت الطلاق
واشتهرت سالفتهااااااااااا .. وصار اللي مايشتري يتفرج

والحين اذا واحد من عيال جماعتها بيروح يتعشى ويا خطيبته براا قالوله هالله هالله بالمطعم الزين ..والا ترا بتطلب الطلاق مثل بنت فلااااان
صارت اشهر من نار على علم ..
ويحسبون انها طلبت الطلاق عشان المطعم << مايدرون انها من زمان مو بالعته
بس المطعم نقدر نقول انه الشعره اللي كسرت ظهر البعير

وتووووته ياتووووووووته .. خلصت الحتوته ....


مايستفااااااااااااااد من القصه ...***
- ياابنووته يااعسووله اذا جا احد وتقدم لك وحسيتي انك مو مرتااحه او مو مايله له لا توااااافقين .. عشان مايصير فيك مثل اختنا المذكوره .. الزواج مو لعبه .. ولاتقولين بعدين بحبه ..

- عيالنا الحلوين .. اول مره تعزم فيها خطيبتك او زوجتك لازم تعزمها بمكااان حلو وذوق
عشااان بس هاليوم هو اللي راح يبقى بذاكرتها .. لانه اول يوم .. وبعدين عااد كيفك ودها ماك والا هرفي .. .. لكن مثل ماقلت لكم الانطباع الاول من المطعم الاول ..


بالختاااااااااااااااااااام ..
اتمنى يكون الموضوع خفيف على قلووبكم ..

واكيييييييييد بكون باانتظاار ردودكم وارائكم ..
عجبك موضوعي .. قيمني ..
ماعجبك موضوعي .. دخولك وقرائتك للموضوع اكبر شرف لي ..


والمااايكـ لكم ,,..,,

زين والله فيه خير اجل لو انه موديها القرموشي كان خلعته خلعا مخلعا خخخخخخخ <<< احب العربي احلفي

حلوه كان خلعته خلعا مخلعا
هههههههههههههاي

انا اشوف انها لو تحبه ووداها لمطعم ماما نورة <<عليهم شاورما خيال خخخخ
كان صار على قلبها أحلى من العسل
وكلامك صحيح الانطباع من النظرة الأولى

هههههههههههههههه
مسكيينه والله تكسر الخآإطر .. !!