الان اشعر اني مولودة جديدة واغفى على غيوم بيضاء

السلام عليكم ورحمة الله وبركاته
مالي بالمقدمات الطويلة لكن ممكن تشوفون كلامي مخربط فوق بعض يمكن من دهشة مايحصل لي
اول شي انا فتاة مذنبة وربي ستر علي وتوجهت لربي لانه سترني من هالذنب اني ماارجع له لين اموت وهذا عهد مني امام الله وايضاً عاهدته بعدم قطعي للصلاة في اي وقت وأي مكان وارضي والديني وأكون خدامة لهم ولا اغتاب ولا أقول الا الخير وادمن القيام والاستغفار وحاليا احس نفسي مولودة جديدة
انا يابنات لي تقريبا شهر أقوم فجاة نص الليل وبأوقات منتظمة يعني مثلا 2 وخمس 3 وخمس 4 وخمس فجرا الوقت منتظم واقرا دعاء التعار ودعيت ربي بالزواج من شخص فيه مواصفات معينة يابنات هالشخص اللي ادعي فيه ماقد مر علي بكل حياتي يعني أقول انه بمنصب في كذا وعمره كذا واعيش معه بالرياض او جده مدري ليه هالمنطقتين تحديدا واشوف يابنات احلام تفسيرها نفس الدعاء اللي أدعيه بالتعار وانا اللي انخرش وخفت بس قلت هاذي رحمة الله ورزق منه
ويقولون لي المفسرين كثفي الاستغفار والدعاء عشان الحلم يتحقق واقع
وقتها عرفت ان الله مايعجزه شي بالأرض ولا بالسماء وكمان دعيت ربي يرزقني بايفون جديد وربي رزقه لي هذا كله بعد ماتركت كل الذنوب لوجهه الكريم صار لي
يارب لك الحمد على مااعطيت انا مولودة جديدة الان وقريبا أبجيكم اقولكم وش صار والحين ابروح افتح الايفون الجديد وانقل بياناتي عليه وأنسى كل شي اذنبني شاهدته بجوالي القديم وأبدا حياتي الجديدة
اللهم لك الحمد يارب