يسلمو

يسلمو رابية على موضوعك
وأنا كمان من محبي كوناااااااااااااااااااااااااااااان
وهذي صورة له:

يفتح الباب لنكمل القصة ....
المشهد هو احد شوارع المدينة وتظهر السيارة القرنبع التي استأجرها العم توغو وهو معصب بالمرة وشوي يقول لكونان الجالس جنبه : اموووت واعرف اش قصده بكلمة TAKJ8-3؟
كونان كان جالس وهو هادئ على الاخر يحاول يحل اللغز المكتوب وفجأة قال "يمكن قراءة الكلمة اذا ترجمة باليابانية فتشير الى منطقة في المدينة.
كرر العم الكلمة نفسها ببلاهة وهو يفكر: منطقة في المدينة!
رد عليه كونان : ايه وطرح 8-5= 3
ناظر كونان خريطة المدينة قدامه وصرخ : عرفتها تاكاتشيما تشاو هي المنطقة الثالثة .
فحط العم بالسيارة وانطلق بسرعة الين وصلوا للمنطقة لكنهم مالقيوا لوحة تدل على المنطقة الثالثة فقال كونان : المنطقة الثالثة ماهي موجودة على الخريطة .
سحب العم الخريطة من يده وصرخ : وجع وش اللي تقوله ؟ ورجع يناظر الخريطة وشوي واستسلم وهو يقول : ياربي وش ذا الحظ رجعنا لنقطة البداية .
طبعا كونان مستحيل يستسلم وفكر بسرعة وقال للعم : يمكن غيروا الاسم بعد ما تطورت المنطقة .
فتح العم فمه وهو يقول : ها.
خرج الاثنين من السيارة وسألوا ساعي البريد اللي كان ماشي في الشارع ودلهم على المكان اللي يدورون عليه.
وبسرعة البرق فحط العم بالسيارة ووصلوا لفندق مهجور من سنين ,دخلوا الحوش ووقفوا السيارة ودخلوا من باب كبير ولقيوا انفسهم في صالة كبيرة ومظلمه والنجفة اللي كانت كبيرة ومزينه المدخل طايحة على الارض ومتكسرة مليون قطعة قال العم : معقول يكون للقضية اللي نحقق فيها علاقة بمكان مهجور مثل هذا ؟ وبعدين غريبة ليش طلب الشخص الغريب انك تجي معاي ؟
فكر كونان وقال لنفسه : والله كلامة صدق ليش طلب مني اني اجي معاه ؟وش السبب؟
فجأة انفتح احد الابواب وصرخ العم وتخبى ورى كونان وهو يصارخ : مين هناك ؟ اظهر لابارك الله فيك.
شوي يظهر لهم رجال شكله شحاذ وقال لهم : ايش جايبكم هنا ؟ يالله فارقوا اصلا المكان راح يهدمونه بعد اسبوع وبعدين وش وراك متخبي ورى الورع.
وقف العم بسرعة وهو يأشر بيده : لالا انا كنت احميه هههههه.
اما كونان ابتسم وقال في نفسه : محسب نفسه عنترة بن شداد وسأل الرجال : انت ايش جابك هنا؟
رد : انا متشرد وهذا بيتي من سنتين.
سأله : طيب هل لاحظت أي شي صار بالفترة الاخيرة؟
رفع الشحاذ راسه وهويفكر وقال :ايه قبل كم يوم حلق طائر ابيض كبير فوق الحوش .
قال العم وهو مستغرب: طائر ابيض!
رد الشحاذ: ايه طار قدام الشمس بكل سهولة .
سأله كونان : متى هالكلام؟
رد : يوم الرابع من ابريل اتذكره لانه كان يوم ميلادي , يومها كانت في سيارة غريبة في الحوش موقفه طول النهار وجاء وكيل صاحب المكان وقفل الابواب اللي تودي على الادوار تحت الارض.
سأله كونان : سيارة غريبة ؟
رد : ايه في العادة مافي أي احد يدخل او يخرج من هالمكان ولا احد يوقف سيارته هنا لكن ذاك اليوم كانت فيه سيارة جديدة موقفة من الصباح ويوم رجعت في الليل كانت في سيارة قديمة موقفة بدالها وفي الليل طبوا حرامية وسرقوا كل قطع السيارة .( يعني حتى هم عندهم حرامية سيارات)
سأله كونان : ليش في رأيك قفلوا الدور اللي تحت ؟
رد:لان كل الاجهزة موجودة تحت يمكن يبغى يبيعها.
سأله : متى جاء وكيل العقار؟
رد الشحاذ وهو خارج : في الليل.
تفرق العم وكونان يدورون على أي شي يساعدهم في المكان , كونان اتجه فورا الى الدور السفلي علشانه متأكد انه فيه شي , لقى باب الدرج مفتوح فنزل بهدوء وهو يستعمل ساعته لان فيها مصباح , وقف قدام باب مقفول حاول فتحه لكن مافي فايده , خرج الحزام اللي لابسه ومطه على الاخر وربط طرف على فتحة تهوية فوق الباب والطرف الثاني رب€€طه في حديد الدرج وضغط على الزر فبدأ الحزام يتقلص وحرك معاه فتحة التهوية وشالها فطاحت في الارض وسوت صجة ( الحزام من مخترعات الدكتور اغاسا). طبعا العم انفجع من الصوت وصاح : ها وش فيه ؟ من هناك؟
سحب كونان طاولة قديمة وتسلق الفتحه ونط داخل الغرفة مع وصول العم للمكان واخذ يصدح بصوته : كونان وينك يالخبل ؟
فتح كونان باب الغرفة من داخل وهو يقول: انا هنا ؟
دخل العم الغرفة وبدأو يفتشون المكان اللي كان فيه رفوف ودواليب كثيرة فتح كونان احد الابواب ولقى شنطة رياضية فنادى عمه : عمي تعال شوف..
قرب العم وناظر ثم سحبها وفتحها فورا ولقى فيها ملابس رياضة التزلج تكفي لشخصين وقناع وقفازات ومسدس حكومي فتشوا الشنطة ولقيوا ايصال من موسسة الطرق ( يعني صاحب الشنطة استخدم احد الطرق السريعة) كان بتاريخ 4 ابريل صرخ كونان : ايه نفس اليوم اللي قال الشحاذ عنه .
رد العم : ايه صحيح اليوم اللي قال ان فيه سيارة كانت واقفه بالحوش وتبدلت .ايه تبدلت السيارة من جديدة لقديمة .... لكن لحظة هذا يعني ان فيه واحد هارب بدل السيارة هنا والدليل هذا المسدس واللباس اللي استخدمه للتنكر .
طلعوا من الغرفة والعم يكمل كلامه : باقي اننا لازم نعرف وش صار تاريخ 4 ابريل يمكن نوصل لهوية المجرم .
وقف الاثنين عن الكلام لما وصلوا عند البوابة الكبيرة اللي دخلوا منها لانهم شافوا 4 رجال غريبين يفتشو سيارة العم ويسألون الشحاذ اللي قاعد يكلمهم ويأشر على الباب , وقف كونان والعم ورى الباب بحيث انهم يشوفوا ايش يسوا الرجال عند سيارتهم ومين هم ؟ شوي ويطلعون مسدسات من جيوبهم ويجهزونها لانهم داخلين يدورون على العم وكونان , انفجع العم وكونان يوم شافو المسدسات وقال كونان : مين هذولا ؟ اكيد ماهم اشخاص عاديين اللي يشيلون كل هذي المسدسات الله يستر.
فكر العم وقال : اكيد جاو الى هنا يبغون ياخذون الشنطة لان فيها دليل ضدهم .
طيب والحل ... قال العم : ها انا عرفت اشلون نطلع من هنا ... انت اطلع لهم والفت انتباههم واشرد ويوم يلحقونك انا بخرج واشغل السيارة وراح افحط اواطيحهم واشيلك .
رد عليه كونان : لابالله اطلع من هنا ليه ما شفت المدسات اللي معاهم وبعدين هذولا 4 وانا بزر.
صرخ العم فيه : وجع ايش فيك خايف ؟ انت بزر ماراح يسون لك شي ... اقول تعال هنا .
سحب كونان من قميصه ورماه قدام الباب وشافوه الرجال الاربعة , وقف كونان قدام الرجال وهو يضحك وشرد وهم يلحقون وراه والعم طوالي على السيارة وشغلها بسرعة عاد هم التفتوا ناحية السيارة ورجعوا بيغون يلحقونه لكنه حرك وانطلق بسرعة وفحط ناحية كونان وللأسف يوم وصل عنده السيارة المقربعة صارت تكح بعبارة اخرى وقفت فجأة وطلع دخان من المحرك ونزل العم بسرعة من السيارة خايف لاتنفجر وهو يسبسب : وجع الله لايبارك في ذي السيارة غربلتنا الله يغربلها
اما كونان فأبتسم بسخرية وهو يقول : والله اني كنت داري انك من جنبها .
ومسكوهم الرجال الاربعة .....
ياترى من هم الرجال الاربعة وليش جاوا الى نفس المكان ؟؟؟؟؟
يالله شدو حيلكم في التوقعات طبعا مو تكونين شايفة الفليم وتحرقينه على غيرك ...
وانا عارفة انه جزء صغير بس اوعدكم بإذن الله بكرة راح انزل واحد ثاني ....
انتظر ردودكم....

الاخوات مكتومة ومي البنفسج وماريا
شرفتوا صفحتي وتابعوني وان شاء الله ما انحرم من ردودكم المشجعة

وينك ياينبوع..
انتظر ردك مع باقي البنات