السلام عليكم ورحمة الله وبركاته
هلا وغلا فيكم يابنات عالم حواء
حبيت اذكرك لكم قصة وماصارلها مدة من اسبوعين تقريبا تعالوا اقولكم اياها
بنات حنا ننصح بالاهتمام بالبشرة والعناية فيها .. ونبغاها تصير تجنن تهبل مايعيبها ولا يشوبها شي مرايا على قولتكم فاللي تبغى كذا لازم يوميا تذبحها عنايه.. اللي صار في وحده من قرايبنا ماشاء الله عليها جميله الله يحفظها
تشوفونها وجهها بيبي فيس ملامحها ماتدل سعوديه ياسوريه يالبنانيه وفوق هذا طويله طولها 170 وجسمها حلو لاهي دبه ولا هي نحيفة .. مهتمه بروحها وفوق هذا لما تشوفينها تحسين فيها جاذبيه غريبة تجنن البنت بالعربي..
هذي البنت ماكفاها هالشي اللي عطاها ربي تدرون وش تسوي يوميا عنايه ببشرتها مع بشرتها ماتحتاج بيضا وصافيه بدون كريم الاساس بعد صافيه طيب ليه هالعنايه كله يوميا كريم سودو للوجه عشان التصفيه مع انها بشرتها صافيه ماتكتفي تحط على حبوبة الدورة وبس لا تدهن وجهها فيه قبل النوم شغله مادري وشهي بالحمام صنفره وصاوبنه تغسل وجها فيه للبشرة الدهنيه كل شوي عشان تجففها اقنعة كل يوم شكل ..يالله وربي رحمتها اقولها مايحتاج حبيبتي والله مافيك شي الحلو حلو خلاص وامها تهزي فيها خلاص يابنت لايندمر وجهك وش زينه .. المهم يوم من الايام قامت من النوم فجاه قبت حساسيه بخدها اليمين وحبوب بدقنها وحكة فظيعه وتقوم صياح صياح زين ماماتت علينا وقبل فترة هي جالسه مع عمتها وتعدل مكياج وحركات قالت لها عمتها بشرتك حلوة مايحتاج اساس يعني مايندرة عين او من الخرابيط اللي تسخدمها كل يوم..
المهم ..بعدها ودينها عند شيخ يقرا على الزيت زيتون ويقرا على الماي وبدت تسخدمها الزيت زيتون لحاله بالليل والماي تغتسل وجها فيه بعد كل صلاه بالبداية قب حبوب يعني طلع فيها عين بس هذا مايمنع بعد انه لازم تريح بشرتها والحمدالله بعد 7 اايام خف اللي بوجها كله ومابقى الا شي بسيط جدا ويروح .. وقمت انا وياه نحدد الاشياء اللي تستخدمها
من ضمن هالاشياء.. 1
!- تستخدم صابونة بيبي جونوسن لانه خفيف وحلو
2- تستخدم فير اند لفلي بالاعشاب لحاله يوميا خلاص الغي الباقي الليلي والخربوطي يعني هو الكريم الوحيد اللي تستخدمه
3-الصنفره ماتقربها هالايام واذا تبغى تصنفر حدك رغوه بيبي جونسون وسكر ومرة وحده بالاسبوع
4- لما تطلعلك حبه بالدورة حطي على مكان الحبه بس سودو مو وجهك كله تدهنينه
القناع او ماسك البشرة هو مويه ورد ومويه عادي ونشا وتطبخينها لما تصير فازلين عرفتوها هذا القناع وبس
5-تترك وجها بالليل يرتاح ماتستخدم اي شي اللهم الفير اند لفلي وبس
6-واذا محتاج ترطيب قوي ونعومة فازلين الاصفر القديم العادي
7- والجسم الحمدالله ماجاه شي بس وجهها فقلت لها سويلك خلطة مرتاحه عليها قالت الجلسوليد والليمون ومويه الورد وزيت الخروع وزيت الزيتون وملعقة نشاء وملعقة خل تفاح وتخلطهم وهذا للجسم بس
8- صنفرة للجسم سكر وشوية سدر
9-او قناع للجسم مثل النشاء والزبادي او السدر والزبادي
10- اذا بقعت مكان الحبه تسخدم شارلي بنفس مكان البقعه
واللحين تقول تووووبه والله توبه وحست بقيمة بشرتها .. وسبحان الله الواحد مايحس بالشي الا اذا قرب يفقده او فقده
وحبيت اقولكم على اللي صار عندنا عشان البنات يتعظون وكتبت هالموضوع لوجه هالله وخايفة على بشراتكم
خلاصة الموضوع اننا نستخدم شي واحد ترتاح عليه بشرتنا من الكريم والماسك والصنفرة وغيرها
واللي تبي تنقل الموضوع تنقله لوجه الله :)
تحياتي
اختكم مشـــاعل
مشــاعل @mshaaal_47
عضوة نشيطة
يلزم عليك تسجيل الدخول أولًا لكتابة تعليق.
نفنووفة
•
مشكورة ياحياتي
قمر تميم
•
صادقة والله الحماس الزايد ماينفع
اتذكر مرة سويت خلطة لجسمي وفيها صابون الوزير<<<< ايه حق الملابس والمواعين
الله لا يوريك جاني تعب بعدها
والحين توووووووووووبة اخربط اشياء كيماوية
اتذكر مرة سويت خلطة لجسمي وفيها صابون الوزير<<<< ايه حق الملابس والمواعين
الله لا يوريك جاني تعب بعدها
والحين توووووووووووبة اخربط اشياء كيماوية
الصفحة الأخيرة