الاهتمام بعد طلب

السلام عليكم


انا انسانه جدا كتومه وعندي مشكله مهما انجرح ما اصارح ابداا ما اقدر افضفض ولا اقدر اصارح
وحاولت اتغلب على هذه المشكله كثير بس ماقدرت


المهم عندي صديقه عزيزه كانت علاقتنا جدا قويه ومافي بينا الا كل خير ... لما اتذكر الذكريات بيينا عيني تدمع لان عمري ماتوقعت القى صداقه ... المهم دامت صداقتنا ٣ سنوات ... وبعدين تعرفت على بنات مختلفات و نستني ... ماصار اي اشكاليه بيينا فقط ابتعدنا عن بعض ... ووقت ما نتكلم كان شي ماصار ولكن بين مكالمه ومكالمه شهور ودايما تجيب سيره صديقاتها الجدد طايره فيهم ... خصوصا بينهم هوايات مشتركه ... كنت اكره اساميهم دايما تذكرهم ... وانا التقيت بهم ومارتحت لهم


المهم نفسيتي جدا متازمه وصرت اقرا المسجات بينا واحزن بشكل كبير ... وقررت احاول لاول مره في حياتي اصارحها ... ماقدرت بشكل كامل ... المهم كلمتها وقلتلها انها متغيره علي واذا في شي صار بينا ... نفت هذا الشي وقالت معزتي ماتغيرت بس علاقتها صارت اقوى مع صديقاتها الجدد فتقول يمكن عشان هذا السبب ولكن معزتك وحده ... في شي ماذكرته لها لان ماحبيت تفهمني غلط لكن مع دخول شهر رمضان ارسلت لصديقاتهاالجدد اهدائات مع كرت جميل عن الصداقه (انا لي معرفه بهم و مضافين لبعض في وسائل التواصل الاجتماعي) وانا ما ارسلت لي ... مو قصه الهديه الكلام المهدى لهم جرحني ... توقعت انا نفس المرحله من الصداقه ... بس ماقدرت اصارحها بهذا الشي لان خفت تفهم كاني ودي بالهديه ... واذا من داخلها هذا الكلام والاهداء لا ينطبق علي ماودي فيه ولا راح اطلبه ....


بعد ما صارحتها صارت تحاول تكلمني في الواتس بشكل اكبر ولكني حزينه ... اتذكر الاهداء لهم ... واشعر كاني شحدت اهتمام .... في السابق تعرف كل شي في حياتي وانا اعرف كل شي بحياتها ... مريت بمشاكل الشهور الاخيره ولليوم ماتعرف فيها لقل التواصل بينا