الاهتمام لاتقولين انا موب حلوه

السلام بتكلم لكم بكل صراحه
انا من كنت صغيره يعني بيبي اشوف صوري
من سنه الى اربع سنوات كنت اجنن كاني سوريه
سمينه وبيضاء قطنه فجاه من دخلت اول ابتدائي
بدت عوامل التعريه
صرت سمراء ماعرف ايش السبب
شعري اصلا امي تقول وانتي ماكملتي سنه
جاك جروح براسك وقمل وانتهى من ذاك
الوقت شعري الله واعلم انه عين
وصار شعري كدش وانا بيبي
صرت بالمتوسط والثانوي وانا بمعنى
صحيح شييينه
سمينه وزني فوق ٧٤ وطولي ١٥٩ كان
سمراء مشهبه
شعري كشه
جاني شي كانه تنبيه بثاني ثانوي
لازم اعدل نفسي
والله خواتي صغار بالمتوسط والابتدائي
احلى منى وانا كذا
مسكت نفسي
اول شي سويت رجيم مسكت نفسي عن الاكل
لمده ٧ شهور وشريت سير كل يوم امشي عليه
اقسم بالله خلال ست شهور
كلللل الفصل يسالني انتي جاك سكر؟
كيف نحفتي كذا؟
خاصه اللي اوزانهم مرتفعه
كان بيعرفو كيف نحفت
انا جزمت ومسكت نفسي
بشرتي صرت اهتم فيها ترطيب بعد كل تروش
الحين انا متخرجه لي سنتين
اللي يشوفني وانا قبل مايصدق هاذي انا
الحمدلله وزني ثابت على ٥٢
بشرتي مافيها حبه شباب وحده
وجهي وحواجبي اسوي لهم ليزر سبيكترا
كل اربع شهور
شعري اسوي له بين فتره بروتين معالج
او اسويه زي طريقة مريام فارس منفوش
لبسي صرت دقيقه باللبس لدرجه خواتي
مايشترو شي الا يسالوني حلو؟
مكياجي تعلمت مكياج ناعم واشتريت
اشياء اصليه من سيفورا كل شهر اشتري شي غالي
وصرت اعرف احط مكياج ناعم وخفيف
وشوي ايلاينر اطلع كل من شافني
ناعممممه
كيووووت
واتذكر شكلي زمان
وانا دبه وكشتي طايره
واحمد ربي الف اني قدرت اهتم بنفسي
والله مافي بنت شيينه فيه بنت مهمله
مالها خلق تهتم بنفسها
تبي جمال كذا يجيها
اذا الفنانات وهم الفنانات مقطعين انفسهم
عمليات واهتمام
انتي ياللي ببيئه صحراويه يبي لك اهتمام
هامله نفسك ؟؟
الحين اذا لبسنا لبس جديد
تتغير اشكالنا
كيف لو اهتميتي شوي بس شوي
ايوه وكنت اعاني من الشيب المبكر
من لما كنت بالثانوي كنت احط حناء
وبابونج وقهوة ويطلع يجنن شعري بني والشيب
بني فاتح وكانها خصل 😂🌚
لدرجه يسالوني ايش صبغتك؟؟😂😂🌚