السلام عليكم
براءة اسم جميل علي فكرة اي حاجة عرضت ابيسون والابيسون ليست مشهور في السعودية يوجد منة لوحات ابجورات مرايات مفارش كل هذا بيشتغل بخيط dmc والكراسي والصالونات بالصوف .
اما المفرش الموجود دة علي قماش الكتان الثقيل وبخيط dmc واي سؤال انا او جيهان تحت امرك

شكرا امل على الرد بجد الشغل رائع
على فكرة انا من مصر
فعلا الأبيسون هنا قليل جدا و هو راقي فعلا
انا دورت على قماش الكتان في مصر كتير ما لقيتوة لأني عايزة اشتغل علية مفارش ايتامين مفرش سفرة و فوط ياريت تقوليلي الاقية فين و بكام
انا لاحظت ان شغل الأبيسون بيترسم الشكل على القماش و بعدين تشتغلي بالخيط صح كدة طيب لو في تدرجات للالوان في زهرة مثلا تتعمل ازاي انا كنت فاكرة انة بالعدد زي الإيتامين
و الف شكر ليكي و لذوقك

الاخت براءة
انا مش عارفة انت منين من مصر لوكنت من الاسكندرية او تقدري تزوريها فيباع في زنقة الستات تسالي عن المحل الذي يباع قماش الشنط وهو في وسط الزنقة او من شركة الكتان .
بالنسبة لايتامين فيباع عند التركي في المنشية او ميس افريقيا في سيدي بشر وفي القاهرة محل كل شيء بمصر الجديدة او محلات بابا جيان .
ممكن الابداع في الابيسون حسب ذوقك يعني ممكن يترسم او تشترية مرسوم وبالنسبة لتنسيق الالوان
فالوردة تتدرج مثلا القلب بالون الغامق ثم الفاتح ثم الافتح وبتكون ثلاث الوان او لونين فقط واي سؤال انا او جيهان تحت امرك وشكرا

شكرا ليكي اختي أمل انا من بورسعيد و بنزل القاهرة باستمرار
هنا في جدة لقيت قماش الكتان مستورد مش عارفة منين بالظبط بس غالي نار
و ان شاء الله السنة دي أروح اسكندرية يارب الوقت يسمح لأن الأجازة بتطير بسرعة
و شكرا ليكي و للاخت جيهان و ربنا يوفقكم

يا امل ارجوكى ردى انتى عرفتينى كام متر الصالون بيحتاج طيب اد ايه بيحتاج خيط وكام يتكلف
وحاجة تانية هو فى رسومات للصالونات مطبوعة جاهزة