انا مع البنات بكلامهم من المتوسط خلاص يعتبر الولد رجال وتفكيره كبير
اختي ام عمر طقيها بوجهها ان ولدك ماشالله كبير ليه تجيبينه معك

هوهوووووو..
مو حلو الولد لما يكبر ما تعوديه على انه ما يدخل على غير محارمه ..لأنه بيحفظ البنات في ذاكرته ويتذكرها بعدين..وهذا اللي حاصل..شوفي واحد من قرايبي بعمري وكنا صغار دائما يسولف مع وحده من قريباتي..
الحين لما كبر قال ابغى اخطبها ..ليه؟؟هي البنت جميله وبيضا وهو اسمر ومتعقد من سماره..شوفوا كيف من صغره وهو حاطها بباله..
والله من يومتها خفت..قلت يا ويلي واختكم في الله دايم مع هالعيال ولا حتى اعترف بالبنات...الا لما بلغت..ههههه
وموقف مضحك ..بيت ابوي بيت الجد في الاجازه تعالي شوفي هي وحده بس من بنات اخوي اللي كبيره والبقيه صغار ويوم تهاوش سكري الباب اقولها ليه ما احد فيه تقولي ما انتي شايفه ولد عمتي (ولد اختي) ياي انا يصيبني الضحك..<< اشوى في احد يشاركني..
متعقده من المقلط كل ما جيت ادخل يازوج اختي يا مدري مين ياولد عمتي ...وسبحان الله هالاخير لا اله الا الله ما احد في البيت من اخواني من عمره ولكن سبحان الله يحب بيتنا بالحيييييييييييييييييييييل اكثر من باقي اخواله...ما ادري ايش السبب...؟؟لدرجة انه ينسى اهله..هالولد عجيبببب..حتى اخته ملاحظه عليه..
وعندي ولد اختي اشوف صوته صار خشن ويستحي انه يدخل على الحريم...
اصلا تلاقيه هو وولد اخوي رجه يعني لسه صغار بحركاتهم من قدهم انا واختي مو صغار ولا كبار وعزابيه فمستغلين هالنقطه ولا ما يميدهم جلسوا عند الحريم..خخخخخ

بس اذا جاك ولدها وسلم سلمي ونزلي راسك يعني انك استحيتي منه..في نفس اللحظه قولي ماشاء الله والله العيال كبرت كم عمره..ماشاءالله هذا عريس لازم الحين تدورون له على عروسه..يمكن ولعل ان تفهم والدته..
واذا ما نفع..
اعتذري من انك تسلمي على هالولد يسبب له احراج يخليه يبطل يسمع كلام امه بأنه يطلع ويسلم على الحريم..

وانا اشوف ان الولد المفروض نهائيا ما يطلع لغير محارمه وهو في الثانوي..والمفروض من اول متوسط تبدي تعوديه على هالشي..

أنا معاكم في إن الولد لازم نبدأ نعلمه مع تعليمه الصلاة
وهذا ينمي فيه الرجولة

لكن لاحظت إنكم آخذين فكرة غلط..............يعني تبغوا الطفل يفقد ذاكرته عن البنات.........

غريبة
إيش فيها لو فاكر هالبنت شكلها كذا والثانية كدا
يعني تبغوه يفقد ذاكرته سبحان الله
حتى البنت فاكرة شكله وشكل غيره ذكريات الطفوووووووولة بريـــــــــــــــــئـــة
لا تلبسوها شيء موفيها
ربنا سمح له يشوف وهو طفل وأكيد لازم يكون فيه مختزن في ذاكرته
مو من حقنا نمحي ذاكرته

أما إللي تقول هذا زمن الفضائيات
فهذا عزيزتي ليس ذنب الطفل وإنما ذنب أهله
نسوا أن له حقا عليهم وهو التربية الصالحة
ولعمري أنهم عن هذا سيسألون

وفينهم من ...............قوا أنفسكم وأهليكم نارا...................؟؟؟؟؟؟

ياريت يتذكر الإنساااااااااان ذلك اليوم وذلك الكتاب الذي لايغادر صغيرة ولاكبيرة

وقــــــــفــــــــوهــــــــم إنــــــــهــــــــم مـــــــســـــــؤلـــــــــون
وربنا يصلحهم

اختى قلص مشكوره على مرروك00
بس مافهمت قصد الولد يوم يقول لامه (امى ليش ماتصلى عليك الدوره)
وياحبي له بنت اختك شكله لاعبه والغطا على كيفه000مثل اللي عندنا يتغطن بس لذا قال العيال الكبار يالله نروح نودي الصغار الملاهي تلقين البنات الكبار اول مايركب السياه000
(امحق حيا)


om_3merمشكوره على المرور وولد خالتك كبير 00امك تقول لاخته احسن من تقولو انتم 00والا على قوله الاخت بطه قزمه طقيها بوجهه00

بطه قزمه مشكوررره على المررور00

الكادي مشكوره على مرورك00وفعلا الولد يذكر وبعد يرسخ بذهنه شكل البن00 مثل زوجي لما سألته قلت غريبه ماطلبت تشوفن قال اذكرك وانتى صغيره00وما خطبتك الاوانا عارف انك زينه00 الرجال مخطط على من زمان000

الحمدلله رهيب اسمك00ومشكوره على المرور00حتى عنداهلى من 12 مايدخل على الحريم ابد00

ام ريان مشكوره على المرور00وكلامك عين العقل والله يخلى لك ريان وتشوفيه عريس ان شاء الله00

في الدين الإسلامي وحسب مادرست في فقه ثالث ثانوي .... ان الحريم يتغطون من الولد اذا صار عمره 15 سنه ...

بس مثل ماقالوا البنات انه في اولاد عمرهم صغير لكن تحسين انه رجال من نظراته تحسين انه يفهم كل شي.... فهذا تتغطين منه على طوووووووول...

يعني مثلاً أنا تغطيت من ولد خالتي يوم صار عمره 16 سنه .... مع انه تحسين انه طفولي مررررره ومايطالع ويستحي ... حتى ان خالتي زعلت ليش تغطينا من ولدها .. قلت لها بصراحه ياخالتي خلاص ولدك كم شهر ويصير عمره 17...

وهذا الموضوع مافيه حياء لأنك راح تكوني تتبعي كلام الله... وأكيد الحرمه ماراح تزعل منك..



ودمتِ بأحسن حال...