الاولاد ومشكلة توصيلهم المدارس.....

يا بنات والله مش عارفة ايش اكتب وكيف ابدأ

المشكلة هي ان احترنا كثير بتسجيل الاولاد في المدرسة..عندي ولد عمره 5 وبنت عمرها 4 ... سمعنا ان الحكومية مو نظيفة ومو كويسة ومافي غير كاثالوكية لكن زوجي ما حب فكرة المدرسة الكثالوكية فراح على المدرسة الحكومية وعجبته نظيفة وكبيرة ....المهم سجلناهم فيها ولما اتصلنا بالباص قالوا ما ممكن يوصلهم لان البيت مو بعيد كفاية :( البيت بعيد حوالي مايل وشوي وهون بدأت المشاكل

ابوهم ممكن يوصلهم الصباح لكن المشكلة في الظهر ما ممكن لان دوامه يخلص 5و دوامهم بيخلص 3 الا ربع ............مين يجيبهم ؟؟؟

"ما ندمت بحياتي اكثر ماني ندمانة الان على تفكيري من زمان ان مابدي اتعلم سواقة السيارة لان زوجي معي وهو بوصلني محل ما بدي :icon33: "

...انا ما بقدر اخذهم لان الجو حر جدا وخصوصا بها الوقت وعندي ولدين صار صعب اخذهم معي والطريق بياخذ حوالي نص ساعة مشي ..واكيد هم حيكونوا تعبانين وصعب عليهم المشي

فكرنا بالتاكسي بس انا شفتها صعبة شوي.. اولا لان ما بحب التكاسي وثانيا لان الصغير عمره سنة ونص ....مو لازم له كار سيت بالتاكسي او ايش؟ بالاضافة كم بياخذوا التاكسي اذا الطريق روحة ورجعة كل يوم ...مسافة الطريق مابعرف بالسيارة كم بس متل ما قلت نص ساعة مشي حتى اكثر من نص ساعة تقريبا ثلثين الساعة

فكرنا بالباص وقلنا احسن حل ...بس الباصات لها مواعيد ومواعيدها مو عند وقت خروج اولادي من الصف ..بالاضافة الى اني رح اركب باصين او ثلاثة وتخيلوا منظري عم اتنقل من باص لباص والاولاد معي :06:

لقينا حل وانا مو مرتاحة له بس حبيت اخذ رأيكم فيه

في بالمدرسة برنامج من 3 الا ربع الى 6 ..... شباب وشابات قال هدفهم تطبيق تعاليم الدين المسيحي بمساعدة الناس... بيضلوا مع الاولاد بكافتريا المدرسة بلعبوهم او بساعدوهم بواجباتهم او اي شي... قال زوجي بنسجل الاولاد فيه والساعة 5 لما بيخلص دوامه بيجيبهم

قولوا لي ما بيتعبوا الاولاد اذا بقيوا في المدرسة من 7 ونص الصبح الى 5 العصر ..مو حرام :(
وبعدين الكافتريا رح تكون فيها جميع المراحل الابتدائية وهذا الشي زعجني اكثر ..في المدرسة حاطين البري سكول الى ثاني ابتدائي بقسم ومن ثاني الى سادس بقسم ....اما في هذا البرنامجج كلهم مع بعض

شو رأيكم ........احط اولادي بالبرنامج او عندكم افكار ؟؟؟

على فكرة البرنامج اسمه YMCA

احد سمع عنه؟؟؟

اسفة على الاطالة بس حبيت اقول لكم الموضوع كامل لتعطوني رايكم ....لان عن جد كثير متضايقة وزعلانة على الاولاد ...انتو شو رايكم ؟؟ :( :(