رفع

حبيت افيدكم بطريقة عجينه مره مريحتني والطعم ولا اروع وبدون تخمير ومعتمده عندي للفطاير والبيتزا والتورتلا
في جك الخلاط حطي 3 ملاعق حليب وملعقتين خميره فوريه وثلاث ملاعق سكر وملعقه صغيره ملح وكاس ماء وكاس دقيق وفنجال زيت واخلطيها زييييييين لمده 10 دقايق

وحطيي في العجانه كاستين دقيق واضيفي الخليط اعجنيها اذا محتاجه مويا زيدي وابدي اشتغلي فيها وحطيها بالفرن لاتخمير ولا شي

بالنسبه للتفريز جدا مريح بس مو كل الاصناف مثلا الجزر اقطع اعواد واقسمه باكياس وابشر جزر واقسمه الفلفل الاخضر اقطعه واحفظ بعلبه وجربت فرزنت خلطة البيتزا السكر اطحن كميه والبسكوت اطحن كميه الشيره اسوي واحفضها فالثلاجه جربت فرزنت حشوة خضار وزبطت وجربت فرزنت بف باللحم المفروم والبصل وعجبتني بدون بيض البيض مايتفرزن وجربت الدونات فرزنتها قبل القلي بس اطلع واقلي مرررره طعمه كانها جديده واتوقع الجبنيه نفس الشي
جربت فرزنت الفاصوليا والباميه والملوخيه ومره مريحه

اعجبتني فكرة فرزنت الكنافه بصواني المنيوم افكر اجربها


ان شاء الله بحاول افرزن السنه هذي كم شغله

الله يبلغناه باحسن الحال والاحوال يارب ،ويعينا على قيامه وصيامه
بالنسبة لي الف السمبوسه فقط بالجبن واجمدها ،تكفي لاسبوع تقريبا،اما سمبوسة الخضار واللحم في وقتها افضل
وبصراحه مااحب الاكل المجمد خاصة لو كان محاشي او فطاير او حلا ،،،،لانه يتغير طعمه ،لكن الجبن مايتغير
ممكن تجمدين حشوة البيتزا،بصل مقطع علشان اسرع لك تطبخي برمضان،وبعض الخضار مثل البامية والفاصوليا ماتتغير بالتجميد ،وافضل شي تسوي صنفين يوميا بلاش تكلف وخساير وبالنهاية ماحد ياكلها
واما العباده برمضان ،متى ماصرت فاضيه اقرا القران واخلص جزاين يوميا ان شاءالله،وبوقت الطبخ استغفر واذكر الله حتى لاتضيع اوقاته ،لان الحسنة مضاااعفه بالشهر الفضيل مايفوتها الا الغبي
والتراويح اصليها بالبيت او المسجد،،،،،والله يتقبل منا يارب

العام ماتقضيت لرمضان لان كل شي متوفر عندي ولو تلاحظون احتياجاتنا لرمضان اشياء بسيطه ماله داعي نرهق ميزانيتنا
ومعدتنا وهاتك ياحشو لين السحور ثمن الواحد يالله ينام منتفخ من النعمه ياربي لك الحمد وي الله يقوم الظهر ويبدأ المسلسل اليومي ، ويروح استثمارنا لآخرتنا وننشغل بالمطبخ وكتب الطبخ والعزايم والتنويع ، رمضان كشهر للعباده وراحة للمعده
حنا خليناه العكس للاسف ، الله يهدي الجميع ويبلغنا رمضان لافاقدين ولامفقودين