السلام عليكم و رحمة الله و بركاتة
كيفكم خواتي
راح اكتب موضوع عن الايلاينر و طريقة وضعه و كيف تصغري عيونك او تكبريها عشان في وحدة في موضوعي السابق طلبتني و انا ما قدرت اردها >>> ومرة وحدة الكل يستفيد:S_45:
اول شئ راح اقولكم انا ما عندي نوع محدد استخدمة يعني جربت كل شئ اهم شئ عندي الايلاينر ما يكون سائل مرة عشان لما ارسم ما يخرب الرسمة
في انواع كثيرة
1- السائل مرة الي اول ما تفتحي الايلاينر فرشتة مستقلة و هذا الايلاينر كل ما احاول استخدمة اجيب العيد فية و عيني هذة تصير مليانة شخابيط هههههههه
2- الايلاينر يكون فرشتة تشبة القلم او قلم الالوان السائلة ( فاكرينها ايام الابتدائي) وهذا النوع انا استخدمة اكثر و اقدر اسوي فيه اكثر من شكل و اتحكم فيه بسهولة
3- جل الايلاينر هذا النوع للمحترمين و الي يدها ثابتة انا جربت تبع ماك وما جربت غيرة والحمدالله ما جبت العيد فيه ورسم عين القطة ههههههه
طبعا التوصيلة مختفية لحد ذلحين ( يعني الصور مو صوري من العم قوقل بس انا استخدمتهم )
اول شئ هذول هم الايلاينر
هذا دائما استخدمة للمناسبات ذا بالم
ماك لاينر
ماك جل لاينر هذا الجل الوحيد الي انا استخدمة و عجبني بس لزج شوي
هذا سيفورا لاينر حنا في المدينة ما عندنا سيفورا بس طلبت من بنت خالتي تجيب لي من جدة واحد و ياريت ما جابت لي يا ناس ما عرف امسك ذا الشئ ههههه عشان شكلة غريب شوي وما عرفت ارسم عيني فيه
في نوع ثاني مو ماركة بس انا استخدمة للجامعة و للمشاوير العادية مرة عاجبني لما القى التوصيلة راح اعمل تعديل و احط لكم الصورة
كيف تحطي الايلاينر
هذا التوضيح الي انا دائما اسويه
هذا انا الي دائما اسويه راح اكتب لكم التوضيح بالترقيم
1- يعني هذا شكل العين من غير شئ
2- نهاية العين من تحت تحطي حط واحد رفيع
3- هنا في الصورة موضح انك انك ترجعي الخط الثاني على العين و اظن هذا صعب لي الي اول مرة راح تسويه انا راح اقل لكم طريقتي
( بعد الخط الرفيع ترجعي للعين وترسمي عينك عادي بخط رفيع لما تصلي لنص العين تقومي تعرضي الخط شوي لحد ما توصلي قريب النهاية والنهاية تسوي نفس الي في الصورة رقم 4 )
هذة طريقتي واذا كنتي اذا تبغي تصوي نفس الي في الصورة سويها
و هذة صورة ثانية
كيف تصغري عينك بعد ما توضعي الايلاينر
طبعا الايلاينر هو كل شغلة فوق العين ( يعني عينك من فوق شكلها تغير بس من تحت زي ما هي)
اذا تبغى تصغري عينك ابتعدي عن الكحل الملون خلي شغلك كلة كحل اسود ( يعني بعد ما تخلصي من الايلاينر تاخذي الكحل الاسود و ترسمي عينك لحد النهاية و الماسكرة طبعا مهمة
ملاحظة : الي عيونها كبيرة و تبغى تصغرها تبتعد عن الشادو ابو لمعة (يعني شغلك كلة راح يكون شادو مطفي بس ) ولا تنسي بعد الكحل ترسمي بالشادو تحت عيونك
كيف تكبري عينك
اذا تبغى تكبري عيونك عليك بالكحل الملون و خاصة اللون الابيض و الذهبي و الفضي هذول جريتهم و كبرو عيوني بشكل ملحوظ ( انا اصلا عيوني مو صغيرة و لا كبيرة هي متوسطة ) عشان كذا انا دائما احب اغي في شكل عيني ولا تنسي الماسكرة المطولة للرموش كل ما كانت رموشك طويلة كل ما توسعت عيونك
ملاحظة : الي عيونها صغيرة الشادو دائما يكون الي فيه لمعة عشان توسع عيونك والوان فاتحة وجريئة
هذا كل الي انا اعرفة اذا وحدة عندها معلومات اضافية عن الايلاينر او طرق ثانية لتكبير او تصغير العين ياريت تكتب عشان الكل يستفيد
يلا اشوفكم بكرة :pinklove:
اختكم في الله:26:
بارك الله فيك يا عسل على ها الموضوع الرااائع