الا الاخوات الي جربوا الولاده

انا بقولك ولادتي الاولى

كنت سهرانه مع زوجي نتفرج في الزير سالم لاني ماكملت حلقاته في رمضان
وكاان التاريخ يوم الجمعه 15 \4
الساعه يمكن 5 الفجر
وفجئه وبدون مقدمات نزلت مويه انكبت خفت اول شي وحسيت برجفه
وانا خوووووفه حيل
المهم قلت اروح او لا لاني اعرف امي ماكانت تروح على طول كانت تجلس لين تقرب الولاده وتروح
بسوي نفسي قويه
جلست ساعتين بس ماقدرت طبعا زوجي مانام لانه عرف انها ولاده
ورحت للمستشفى الساعه 7 الصبح
حطوا لي الغذايه وكل شي وقالوا توه الرحم مفتوح 3 بس روحي امشي مع الاسياب
ورحت امشي ولا احس بمغص ولاشي
طبعا لانها الاولى ماكنت اعرف شي عنها جلست تحت امشي وبعد شويه جت وحده تتلوى من الالم
يا سستر الحقيني بطني مقدر طلعت الحرمه مسكينه على وشك ولاده
وانا قلت فرصه خلني اشوف وش يصير فيها المهم ولدوها تحت عندي مامداهم يطلعونها لغرفة الولاده
انا فرحت حسيتها ماطولت صاحت 3 صيحات وطلع البيبي
قلت بس والله هينه اهم شي الصيحات الثلاث وبس
كملت المشي لين جات الساعه 10
ثم طلعوني غرفة الولاده على السرير ونمت الى ان جات الساعه يمكن 2 الظهر وبداالالم صح بطني وطفشت من النومه على الجهتين
ودي انام على ظهري او بطني وزاد الالم كثير وبدت الولاده واتذكر الصيحات قلت خلني اجربها
واصيح الاولى وقالوا لي سكري فمك عشان تقدرين تدفعين وتشجيع وممتاز
واخيرا طلع البيبي تقريبا الساعه 3 ونص العصر وقالوا لي مبروك ولد
وانا مالي خلق احد وشفت راسه لانه مغفوص وصاير شكله مخروطي خزنت على شكله وقلت فيه شي اكيد مادريت ان الاطفال اذا انولدوا تنغفص روسهم
نمت الى ان جات الساعه 5 المغرب بعد التنظيف طبعا وجاء الي يخيط الفتحات الي صارت
وخلص ثم طلعوني لغرفه الزيارات
وجاء زوجي وعمتي طبعا ماكان لي نفس في شي مع اني مااكلت شي ابدا
شربت حليب بس وطلعت اليوم الثاني طبعا اكثر شي يطفش انك تبين النوم والبيبي وقت النوم يزعج اكثر شي يضايقني
طفشت من الدم الايام الاولى لانه ينكب كثير
والخياطه بعد اخاف انها تنفك تبهذلت والله جاني امساك وتعبني كثير
وانفكت غرزه من الغرز ورحت الدكتوره وعدلت الوضع وهذا كان بعد عشرين يوم من الولاده
طول جرحي مالتئم
وهذي القصه الاولى

اللللللللللله يعيييييييييييييييييييين
وين باقي البنات هاتوو سالفتكم

لولاده الثانيه كنت شوي خبيره
وكان كل ليله من بداية التاسع يجيني مغص كل ليله وكل يوم اقول ولاده لكن مايجي شي
المهم في ذاك اليوم طبعا مانمت اغلب اوقات الولاده في اليل
تقلبت شوي وبدا الالم عليه من 7 الصبح ويزيد وصار منتظم الطلق
حاولت اضغط على نفسي عشان ماروح بدري واطفش في المستشفى الى ان جات الساعه 12 الظهر وماعاد اقدر اتحمل رحت للحمام وانتم بكرامه لقيت دم وبعدها خفت قلت خلاص بروح
رحنى للمستشفى وسوو لي الكشف وطلع الرحم مفتوح 7
وقالو خلاص ولاده وبسرعه حطوني في العربيه وركض على قسم الولاده
نمت على السرير حطوا كل اغراضهم عليه
والالم ذابحني والله كنت بموت منه جد قوي مره مو مثل الاول وقالت الممرضه لازم افتح كيس المويه عشان البيبي ينزل لان المويه مانزلت وفتحتها
جات الساعه 2 وبدا الدفع وخلاص طلع البيبي يمكن 2ونص
وجبت بنتي بس والله تعبت في ولادتها كثير معاناه بجد
الاول يحليله ماتعبت كثير

وهذي ولادتي الثانيه

الله يعينك ويحفظ لك اولادك يارب وعقبالنا احنا والله يهون علينا


انا عن نفسي بكريه مالي سوابق بالولاده

في أول ولاده لي كنت عندي أمي (( الله يرحمها ويغفر لها ويوسع قبرها عليها وينوره))

كنت عندها من يوم أنا بشهر السابع لأن زوجي كان مسافر

بدأت أعراض الطلق الساعه ثمان في الليل عاد أنا قلت بصير قويه وما راح أقول لأمي وأذا جت الولده بقول لأخوي يرديني وياااااااااااسلام أحلى مفاجأه يوم تقوم أمي من النوم ويقولون بنتك ولدت بكذا أفكها من ضيقة الصدر والهم علي

المهم سكت ورايحه جايه على بالي أنظف البيت ما بي أمي تشوفني

يوم جت الساعه عشر في الليل راحت أمي تنام وأنا أخذت جريده ومسجل ودخلت الغرفه

صارت أمي كل شوي تقوم في الليل وتشوف نور الغرفه شغال تجي تقول هاه فيك شي وراى ماتنامين

أما أنا طول الليل أدوووووووور بالغرفه و‘ذا حسيت أن أمي جايه جلست على السرير وتنحت على الجريده على بالي أقرى وأقول لها ماجاني نوم بقرى لين أنام

وتميت على هالحاله لين قريب يأذن الفجر وأنا خلاص بنهار طول الليل وأنا بروحي

قلت مابداهش خليني أعلم أمي قلت لها يمه مدري أحس بشي قالت وشو وتلزق فيني الله يعظم لها الأجر

ويبدون الناس يطلعون لصلاة الفجر والعالم كلها تمر علي أبوي أخوي وأخواني الي ماتزوجوا

وتبدأ المأساة طوووووووووووووول النهار مشي على البيت وأمي وراي

يجيني الطلق خمس دقايق ألام تحت البطن وبعدين يختفي عشر دقائق يوم قرب يأذن الظهر قلت خلاص بروح للمشفى أمي رفضت قالت توك بس بيبهذلونك 00عاد من الألم قلت أنا الي أحس بالولده مو أنتي خلاااااص بالد وأمي رافضه أروح
بالأخير جت زوجة اخوي وقالت لأمي خليها تروح تطمن بس
أقتنعت ودقت زوجة أخوي على أخوي وجا طااااااااااااااااااير ويوديني للمشفى وأمي طبعا معاي

وبعد الكشف قالت مافتح غير 2صانتي

بغيت أمووووووووووووووووووووت كل هذا وأثنين بس

قالوا يبيلك ترقيد

طبعا أمي رفضت ورحت للبيت وماعاد قلت لأمي شي خلاص عرفت أنها هي أخبر مني بسالفه

وتميت طووول يومي مشي مشي مشي

لين الساعه ثمان في الليل <<< لاحظي كملت 24ساعه

والساعه ثمان ونص قالت أمي يالله للمستشفى من الفرحه بغيت أصيح أخيرررررا

وتجي المفاجأه00000000

يوم دخلت بعد الكشف قالةا سبعه صانتي يالله على غرفة الولاده

يوم دخلت سبحان الله وتختفي الألام ويختفي كل شي

وتوهقت قلت أكيد بيقولون هذي تلعب علينا يارب وش أسوي أطلع وأقول يالله على البيت هونت

وفي النهايه أسدحوني وتمت الولاده بحمدالله الساعه تسع ونص ليلا وجبت ولد

وبعد كذا ودوني للغرفه وجلست كل شوي دورة المياه وأمي تقول عااادي هذا الدم طبيعي يعني فيه فرق بينه وبين الدوره

بس أنا ماش احس أنه شي غيررر طبيعي

والساعه 12وأنا رايحه لدورة المياه (( وأنتم كرامه أغمي على )) جت الممرضه وشالوني وبعد الكشف وش تتوقعون؟؟؟؟؟؟؟؟؟











































طلع ماشالوا المشيمه <<< ياااسلام سلم

ويحطون بنج كامل ويتم التنظيف

وأطلع على أذان الفجر

وماصحيت ألا الساعه 9الصبح

،،،،،،،،،،هذي قصة أول ولاده وأن شاء الله الحلقه الثانيه بطريق،،،،،،،،،،،،،،،،،