بسم اللة الرحمن الرحيم
تعالو اخواتى اقولكم طريقة سلطة البازنجان وهية جميلة وخفيفة جدا فى الصيف لانها بدون قلى البازنجان فى الزيت وهى خفيفة على المعدة تعالو نشوف المقادير والطريقة ؟؟
واحد كيلو بازنجان رومى طازج
ربع كيلو فلفل اخضر شطة او رومى حسب الرغبة
عشر فصوص ثوم
اربع حبيات طماطمم متوسطة
ملح وكمون
طريقة العمل
نغسل البازنجان جيدا ونقشرة ونقطعة الى مكعبات ونسلقة فى اناء ونضيف الية الملح حتى ينضج
ونصفية من الماء المغلى ويشطف بماء بارد ويتركيصفى من الماء ونضعة فى اناء
وبعد كدةنغسل الفلفل ونقطعة قطع صغيرة ونقلية فى الزيت وبعد قلية نضعة على البازنجان
نفرم الثوم ونحمرة فى الزيت قليل يا دوب يتقل شوية كدة نقطع الطماطم الى قطع صغيرة جدا ونضعها على الثوم الا على النار ويقلب شوية ميتسبكش اوى ونضع علية الملح والكمون ويقلب جيدا ويوضع على الخليط السابق البازنجان والفلفل ويقلب جيدا ويهرس مع البازنجان بالشوكة ونضع علية حبة خل صغيرين وعصر ليمونة ويقلب جيدا ويقدم فى طبق التقديم وهو ساقع وبالهنا والشفاء
اخواتى انا عملتة وجربتة وطعمة لزيز اوى وخفيف جدا جربوة وقولولى رايكمانا فى انتظار ردكم
عجبكم ام لا وان شاللة سوف اقدم لكم اشياء اخرى وربنا يوفقنى ويوفقكم
ان شاللة تعالى
اختكم من مصر :26:
يلزم عليك تسجيل الدخول أولًا لكتابة تعليق.
رائحة الزيزفون
•
تسلمي ان شاء الله اجربه انا احب الباذنجان وااااااااااااااااااايد
الصفحة الأخيرة