كلمة تعبت ماتوصف وضعي
بيتي ماشاءالله دورين وكبير
شغالتي راحت من شهرين وأكثر
ووضعي ماساعد أجيب ثانية ونفسي عايفتهم
مرتاحة نفسياً في غيابها
لكن تعبانة جسدياً
مشوشة
خاصة أطفالي صغار مايخلون شي يترتب
لاتقولون قفلي وخصصي
بيتي مايمشي بالنظام هذا
كل شي مفتوح
وأولادي
مهما عاقبت
ورفعت صوتي
مهما هددت
أو شجعت
مايخلون شي يبقى على حاله
إلا يخربطون ترتيبي
مايرجعون الشي لمكانه
مايمسحون شي انكب منهم
مايشيلون اللي عقبهم
ولو شفتي شي وهاوشتي
كل واحد يحلف أيمان مو أنا
يرتبون معاي مرة
ويخربون عشر مرات
هذي معاناة
المعاناة الثانية
بيتي يغبربسرعة والله ماكأني مسحت
آثار الرجلين تبين يعني اوكي فيه نظافه
الرخام واضح نظيف وممسوح بس مو قطعة وحده
غسيل المواعين في الشتاء وياقلبي لاتحزن:44:
مليت غسيل مليت مليت مليت مع إني أستخدم بلاستك الصحون والكاسات بس تعرفوا الأولاد يبعثروا كل شي هنا وهناك
ولا يفيد فيهم شي ولايشغلهم شي عنك
فكرت أخصص غرفة أقفلها عليهم لايطلعون ولا يلتفون في البيت بس مايطاوعني قلبي
المعاناة الكبيــــــــــــــرة
الطبخ آآآآآآآآآآآآآآآآآآآآآآآه ببكي من قلب
أول شي عندي ناس ملوله
ممكن تطبخين وتكرفين ويأكلون من دون نفس
ثاني شي مليت أقطع بصل ولحم وخضار :44:
فتكون معاناتي 2
إني أطبخ وإني أغسل مواعيني ياربيه
حاولت أدور طبخات سريعة خفيفة بس كلها تبي عجن وفرد ومدري وش
لاتقولوا عجازة
أنا عندي 5 أعمارهم متقاربة
اللي يبكي عند رجلي
واللي يسحبني من رجلي يشتكي اخوه
واللي يهايط ويتميلح ويكسر الدنيا ويأخذها ضحك
واللي طناش كنه مايسمعك
والمصيبة
عندي رجال
يبي أمسح الغبرة حتى من عمود الستارة اللي بالسقف
ويطل خلف الفريزر وتحته كأنه فأر وليش هنا أوراق ومايبي شي أمسحوه كله دقايق وينظف
يبي كل شي يبرق
ويقهرني لما يجي يصفق بيدينه
يالله يافلان شيل الزبالة
وتعالي يافلانة أكنسي هذا
وتعال يافلان رتب الغرفة هذي
والعيال خرشة
ويجي بكل برود :شفتي
دقايق وكل شي صار نظيف
قلت صحيح
أنا ماأوقف وأصفق زيك
أنا أشتغل بيديني ماني اخطبوط
وإذا ركضوا العيال لك لأنك ابوهم ويهابونك
أما أنا
يأخذونه عبط وتنكيت وتسحيب وأحلف إني ماعاد أطلب منهم طلب
واللي معاك خذ دقايق معاي ساعة
ما أدري وشي يحس فيه هو عبط والا دباشة والا موتة قلب
أكرف بالليل والنهار ويقول البيت نظيف مافيه شي أنتِ بس مكبرتها
قلت ايه جت ساحرة بنص الليل وحنا نايمين ورتبته بعصاها السحرية:42:
يعني حتى موحاس إن كل هذا مجهودي
الكوي أكوي الثياب برا لأنه أصلاً يحس كوي البيت يعدم الثياب
غسالتي الحمدلله تغسل وتنشف مريحتني من نشر وبهذله بس تبقى ملابس العيال مكومة مرات أقدر عليها ومرات أكدسها ومرات أرتبها في دولابهم تجي زي ماتجي
مليت
أحس كذا بنهار
ماني عارفة كيف أرتب أموري بحيث يكون وضعي اوكي
أحس إني مقيدة
أحس مقصرة بخصوص الطبخ والتنويع لعيالي
أحس إني ظلمتهم وكرفتهم معي
أنا فصفصت أقسام التنظيم يعني لاتقولون أقري ومدري ايش
أنا هذا وضعي لو مكاني كيف تتصرفي
أنا أستمتع بالتنظيف بس ابي أحس فيه أبيه يبقى كذا كم يوم
بس الطبخ وغسل المواعين كرهي
يارب ارزقها الفردوس الأعلى من الجنة وأرضها وأغنها وأفرج همها
اللي ترد أي رد بدعوة برابط مفيد بمعلومة بأي شي
ودي أكون سنعة ومنظمة وقتي ومرضيه نفسي وزوجي وأولادي بس كييييييييييييييييييييييف:09:
عذبة} @aathb_17
عضوة نشيطة
يلزم عليك تسجيل الدخول أولًا لكتابة تعليق.
حلااااااا نجد
•
اااااااااااااااااااااه االله يعينك ياشيخه
شوفي ترى انا حالي من حالك ونفس الي حكتيه انا اعاني منه والله كانك توصفين حالتي الا اني بيتي صغير الحل اولا الثقه بالنفس ثانيا اذا زوجك مقتدر مو غلط يجيبلك خدامه والله يعينك عليها وسوي جدول للتنظيف مثلا يوم الخميس لجرد المطبخ والثلاث ترتيب خزائن اللبس وهكذا انت لحالك سوي جدول واذا الطبخ محيرك طلعي من النت مثلا 20 طبخه واكتبيها وشوفي المقادير الي تحتاجيها خلال الثلاث اسابيع وجبيها من السوبر ماركت او الجمعيه وشكلي مره على مره يتعودوا عالتنويع وراح يرضوا بالاكل وبالنسبه لغسل المواعين الحل تشتري الجلايه والله انها راح تريحك وتغنيكي عن الخدامه انا مجربتها واسفه عالتطويل عليكي لا تنسي الاذكار الي حث الرسول صلى الله عليه وسلم بها فاطمه ابنته وزوجها علي رضي الله عنهم قبل النوم يسبحوا الله 33مره ويحمدوا الله 33مره ويكبروا الله 34مره والله الذي لااله الا هو اني جربت هالشي وكان مثل السحر واسفه عالتطويل بس حبيت افيدك لاني استفدت الحمدلله
الصفحة الأخيرة