جزاك الله خير وكلامك سليم

كلامك صحيح


:26:

أخواتي العزيزات أشكرك كل وحدة دخلت من الباب ولبت الدعوة .. والله حابة أدردش معاكم شوي .. ترى موضوع الحمل هذا سيطر علي وتعبني .. أبغي أنسااااااااااه:11:

بس وين لي النسيان والواقع والأحلام بعد كلها ترسخه فيني ..
بس خلاص قلت ان شاء الله وبحول الله بس يبدأ الدوام راااح أشغل نفسي وانغمس وانسى الموضوع ( ادعولي بس:06: )

المهم خواتي أبغي من كتابتي أشجع نفسي وأشجعكم نقوي عزيمتنا ونرمي حمولتنا على رب العالمين .. أنا عني خلاص تعبت من هالحريم اللي يمسحن ويمرخن ومن هالطبيبات اللي يتكشفن علي الله ياجرنا بس
.. خلاص قرررت أتجاهل هالموضوع وطلبت من الوالدة اللي متلهفة على حملي تنسااااااه .. مع انها تسأل خدامتي من وراي : مدام تصلي هالأيام ولا لا ؟ بس مسكينة .. والله حابة أفرحها وتشيل عيالي في حياتها مثل ما تتمنى..:44: الله كريم ..

خواتي اسمعوا هذي القصص واقروها للعبرة وخلونا نشجع نفسنا شوي ونحاول ما نخلي هاجس الحمل يسيطر علينا .. وانا قريت وسمعت من دكتورة ان فيه عقم يسمى بالعقم النفسي ويصيب اللي يفكرون دايما بالحمل ..مثلي

اتصلت فيني الوالدة وانا مسافرة تبشرني ان حرمة من فريجنا في الأربعين ماشاء الله ولدت بعد ما انتظرت الحمل سنين .. تقوللي الولدة وتحثني فيها على المداومة على الاستغفار وتتقول : ترى ام فلانة قالت لها داومي على الاستغفار وماشاء الله كانت دوم تستغفر ..والله أنعم عليها..

وقبل لا أسافر اتصلت فيني صديقتي تسلم علي وتسألني بطبيعة الحال السؤال التقليدي عن الحمل .. وخبرتني ان بنت عمها .. كانوا محددين لها الأطباء آخر الشهر موعد لأطفال الأنابيب بس سبحان الله .. طلعت حامل في هالشهر وقبل لا تسير ..

قصص كثيرة .. أتمنى عزيزاتي .. تكون نفوسنا متيقنة ان الرزق بيد الله سبحانه وانه الواحدالقادر يرزقنا.. واتمنى يكون الأمل حي فيها .. وأخيرا أتمنى هذا الهاجس ما يسيطر علينا وايد
ونحاول نحب كل شي .. وبصراحة أنا بديت أتعامل مع الدورة الشهرية بحب .. لأني في فترة من حياتي إذا ربي قدر لي أوصلها وهي سن اليأس راح أفتقدها .. شو رايكم نحب دورتنا الشهرية
ونحاول نفرح بشوفتها:01:

الله يجزاك خير