بسم الله الرحمن الرحيم
بدخل بالسالفة دوغري
انا معي بكالريوس ادارة اعمال
وابحث عن وظيفة في كل مكان
في الوسيط
اسال المعارف
اروح بنفسي للمؤسسات اعطيهم ورقي ختى لو ماعندهم وظايف
ادخل على مواقع شركات احط السيرة الذاتية
والرزق على الله
وطبعا اللي يعيش ياما يشوف
تخصصي نادر القى له وظيفة
لان مافي محاسبات نساء اغلبهم رجال
وفي مرة طاحت عيني على وظيفة في الوسيط
لوووووز مثل مابيقولو
مشغل نسائي يبغى محاسبة!!
ياسلااااام ولا احلى
يعني مافي اختلاط بقعد براحتي طول اليوم
مو بعباية وغطوة وحرارة
وفوق كدة مشغل يعني لا طفشت اقوم اتمكيج واستشور خخخخ
طبعا دقيت من جوالي ومتوقعة اللي ترد حرمة بما انه مشغل
رد علي رجال!!
قلت يابنت سلكيها
الو سلام عليكم
وعليكم السلام
لو سمحت انتو منزلين اعلان في الجريدة عن وظيفة؟
ايوة
طيب فين مشغلكم؟؟
انتي جامعية؟؟
ايوة فين مشغلكم؟؟
مشغلنا في مخطط الهجرة
طيب اش اسمه؟
لا مااقدر اقول اسمه!!
طيب كيف اعرف عشان اجي اقدم؟
اختي شوي وادق عليك..
طوووط طوووط طوووط
وانتهت اول مكالمة
الى هذا الوقت ماشكيت مرة
شوي ورجع دق الرجال
الو..
ايوة اختي
نعم؟
شوفي انا متزوج من اجنبية وحاس انها بتسرق من المشغل وابيك تراقبيها وتراجعيلي الحسابات وراها!!
انا وقتها ارتبكت يارب وش اقوله!!
قلت له طيب وش اسم مشغلكم؟
يقولي مااقدر اقول
قلتله طيب عطيني العنوان عشان اجي اقدم اوراقي
قال لي لا ماابغى زوجتي تعرف انا بأجي اخدك!!
قلت له لا ماينفع
قال لي انتي قولي لاهلك المواصلات على المشغل وانا كل يوم اوديك واجيبك!!
قلتله لا انا الوالد بيوصلني ولازم نعرف وش هو المشغل؟؟
يقول لي مااقدر اقول لك الحين انا باجي اخدك الساعة 8 ونروح!!
طبعا سمع مني عقب هالكلام
احلى طوووووووووووووووووووووووووط
(فيونكة حمرا) @fyonk_hmra_1
محررة فضية
يلزم عليك تسجيل الدخول أولًا لكتابة تعليق.
حسبنا الله عليه واضحه عيني عينك وربك ستر عليك
اي والله انتبهو يابنات صارو يستغلون حاجات الناس لااغراض دنيئه الله ياخذهم مروا علي هالاشكال بالمنتديات اللي يقول بااتعرف واللي مرسل جواله حسبنا الله عليهم دنيا واخره
اي والله انتبهو يابنات صارو يستغلون حاجات الناس لااغراض دنيئه الله ياخذهم مروا علي هالاشكال بالمنتديات اللي يقول بااتعرف واللي مرسل جواله حسبنا الله عليهم دنيا واخره
الصفحة الأخيرة
الحمدالله انك انتبهتي بدري
حتى في الجرايد نصب وأحتيال
الله يحفظنا يارب
ومشكوووره الف شكر ع التنبيه الي مايخطر ع البال