الباذنجان باقراص الكفته
السلام عليكم كيفكم يا احلى حواءات
زمان زمان ما نزلت وصفه بقسم الطبخ
بس امبارح عملت اكلتي المفضله ويلي عيلتي بيحبوها كتير كتير هي اكله لذيذه كتير بالباذنجان وحتى الناس يلي ما بيحبو الباذنجان انا متاكده اذا جربوها حياكلوها كل مره لانه انا كمان عندي حد من اولادي ما بيحب الباذنجان ولكن بهذه الطريقه ......همممممممممممممم
تعالو معي
المقادير
باذنجان من الحجم المتوسط
للكفته
,لحمه مفرومه ناعم , راس بصل مفروم ناعم , 3 اسنان من الثوم مهروس , قليل من البقدونس مفوم ناعم , قرن فلفل اخضر حار مفوم ناعم حسب الرغبه , رشه بقسمات . ملعقه صغيره من رب البندوره , البهارات فلفل اسود قرفه بهار حلو قرنفل جوزه الطيب
وللصلصه
حبتين بندوره 2 بصله متوسطه 3 الى 4 سن ثوم بقدونس مكعب ماجي رب بندوره ملعقه طعام كبيره فليفله حلوه 2 قرن فليفله متوسط الحراره حسل الرغبه
الطريقه راح اشرحها مع الصور
ونبتدي باذن الله
الباذنجان يقشر مقلم ويقطع حلقات للثلثين تقريبا بحيث يبقى عالق من طرف واحد وما ينقطع معك لما تقليه يكون ماسك نفسه زي الصوره
ثم يقلى بالزيت نصف قلوه وبيكون لونه اشقر فاتح
بس ان شوي انقلى معي زياده لاني التهيت عنه شوي
يعني هيك
وهذي مكونات الكفته اخلطيها كلها مع بعض حتى تكون جاهزه لحشي الباذنجان
وفي صينيه الفرن راح نفرم حبتين بندوره وراسين بصل وشي 4 الى 5 اسنان ثوم وراس فليفه حلوه و 1 قرن اخضر حد وكمان واحد خليه صحيح ما تقطعيه ومكعب ماجي وبقدونس مقروم ناعم وخليهم في ارض الصينيه مع ر شه ملح ورشه فلفل
نرجع للباذنجان بنحشيه باقراص الكفته زي الصوره
وبنحطها في الصينيه فوق الخضره يلي فرمناها مسبقا
يتبع
وهون بعد ما رصينا الكفته بين حبات الباذنجان
بتذوبي رب البندوره بكاستين ماء وبتضيفيها على الباذنجان
بحيث ما يكون الباذنجان غرقان كتير يعني زي الصوره
حطيه بالفرن على حراره 250 لمده 45 دقيقه تقريبا على الر ف بالاسفل
وهذا بعد ما استوى وطلعناه من الفرن
ويقدم مع الارز ساخنا
ويل ي بيحب ياكله مع الخبز كمان همممممممممممم يا سلام
وهذا الطبق الكم يا حلوين
وصحتين وهنا على قلب كل الحواءات
وجمعه مباركه عليكم يا حلوين