البارح بكيت لين انحرق قلبي بسبب موضوع الاخت هنا

الله يعينك حبيبتي ويجبر قلبك بالعكس ياقلبي ليه تسوين بنفسك كذا الطلاق مو معناته خلاص توقفت عندك الحياه يعني حياتك ماتوقف عليه ادري انه غدر شي ماتوقعتيه بس خلاص امر الله وصار والحمد لله والفضل له انك موظفه وعازه نفسك وبنتك منتي بحاجته قوي نفسك ابدي من اليوم عهد مع نفسك للتغير للافضل لا تعتزلين الناس اطلعي وعيشي حياتك صح فكري بمستقبلك ومستقبل احلا نعمه اعطاك اياه الله بنتك بالعكس مجتمعنا صار واعي مثقف يمكن طلاقك يكون طلاق ناجح لحياه ممكن تعيشينها معه تعيسه فما تدرين الله فين يكتب الخيرلك قولي الحمد لله على قضاءه وقدره ولاتسمعين لحد اللي يقولك كيف عايشه بدون رجال ولا نظره شك للمطلقات انا عتبرهم جاهلات عايشين بالجاهليه عجيب والله اموت مثلا ولا اقبر نفسي بالحياه ابدي من اليوم ادعي الله من كل قلبك ان الله يعوضك خير خلك انسانه ايجابيه يالله قضي للعيد روحي دلعي نفسك وبنوتتك وغيري لوك استقبلي العيد احسن استقبال حطي قاعده قدامك حياتي ماتتوقف عند رجل

شوفي هن قالن كلمة تنقال وبالذات في مجتمع الرجال صح ماتجوز هالكلمة بس مو هن ابتدعنها



وهن اعطنها هالحل عشان تكسر طغوة زوجة زوجها وتنكيدها عليها مو عشان انتي وغيرك تتنكدون وتزعلون وهن ماقالن كل مطلقه فضله اختصرن هالكلمة كرد تعطيه الزوجه لزوجها ويوقف عند حده ويوقف زوجته الثانيه عن حدها

طبعا هاللت والعجن مو حل يمكن يكون أثم لآن ورد عن عائشه رضي الله عنها انها قالت للنبي عليه الصلاة والسلام حسبك من حفصة كذا وكذا قال لها النبي ي مامعناه قلتي كلمة لو مزجت بماء البحر لمزجته





ودامك مظلومة ادعي لنفسك لاتدعين على الناس انتبهي انتبهي هن ماوجهن لك كلام فانتبهي لاتدعين بظلم وترجع عليك الدعوه



ماتدرين اي رزق ربي مقدرة لك تدفعينه بذنب الجور في الدعاء والتراشق بالكلام انتي وهن هنا



والمشكله ماتعرفون بعض



وصدقيني اذا دعوتك ظالمه ماراح تضرهن بشي لآن هن ماوجهن لك الكلام الكلام كان لصاحبة الموضوع وضرتهاولو نصيحتهن آثمه ف عليهن وزرها

ترى ربي مايظلم بشي

انتبهي انتي وهن
هن رددن كلمة ماتجوز وانتي تمنيتي شي مايرضي إلا ابليس ومعروف اكبر أمر يرضى عنه ابليس هو طلاق الزوجين
اتمعنوا يابنات قبل تطلقون ألسنتكم بكلمات تضركم وتحبط اعمالكم وتقطع ارزاقكم وممكن ترجع عليكم

هم ماكانو يقصدون كل المطلقات والكلمه كانت موجهه لزوجه زوجها عشانها هي وزوجها نكدو ع صاحبه الموضوع
وتصدقين المطلقه المفروض تفرح وتعيش حياتها كفايه انك موظفه وكلن يتمناك..
لو اني مكانك اروح واجي وافتخر بعد واشوف حياتي مع احسن من طليقي

شوفي وانا اختك
الانسان هو الي يفرح نفسة وهو الي يزعل نفسة
السعادة والحزن انتي تجلبينها لنفسك
اذا كلمه بتسمعينها بالمنتدى الو المجتمع الي حولك بتزعلين وتبكين مايصير بعد
انتي لازم توصلين لمرحلة البروووود
الكلام مايهز شعرة فيك
وبعدين تطلقتي بسبب ضرتك او اي سبب ثاني كله قدر ربي
مكتوب لك الطلاق في اليوم الفلاني
اي وحدة عندها ابتلاء طلاق او مرض او اي ابتلاء
كل ماتذكرت الابتلاء
توضت وصلت ركعتين وتجلس تستغفر وتقراء كم صفحة من القران
الحزن من الشيطان بالعبادة يروح عنك
واقسم لك مطلقات تزوجوا احسن زواج واعرفهم شخصيا
من الاقارب والصديقات والجيران
وربي اعرفهم شخصيا
ويحمدون الله انهم تطلقوا من الزواج الاول لانهم صارو في نعمه بالزواج الثاني وكان الطلاق خيره لهن


والمجتمع خليه يتكلم من هنا الى بكرا
مايقدرون يمنعون القدر والنصيب


انصحك اخر نصيحة كرري باليوم
حسبي الله ونعم الوكيل ربي اني مغلوب فانتصر حنا برمضان والدعاء مستجاب فرصتك خاصة قبل الفطور

اختي انا استغرب ليه ما تتقبلون انكم تطلقتم. ترى الحياه اكبر من كلمه او صف انش مطلقه
ان الله لا يصلح ما بقوم حتى يصلحو ما بانفسهم المشكله عندش يا اختي ولا تقعدين تدعين على احد وتاخذين ذنبه انت تشوفين مطلقه نااقصه وكثير مثلك في مجتمع صديقتي متحمله زوجها الحشاش عشان كلمه مطلقه الناس طلعوا القمر وانتم لسه تشوفون مطلقه ناااقصه
اطلعي للحياه وحبيها وعيشي بطول وعرض وتحرري من فكره مطلقه الناس تشتمها وتتكلم عليها حبيبتي انا ما اتكلم من برج عاجي انا مطلقه زيك بس احب نفسي وولدي واحب الناس ومايظرني اذا قابلت انسانه متخلفه وتعايرني بطلاقي