البارح زوجي يسألني لو توفيت بتتزوجي بعدي ..؟وانتني ايش رايك

السلام عليكم


مادري ايش فيها الناس هاليومين على هالسالفه
بيت اهلي وزوجي وزميلاتي بالدوام


زوجي البارح يقول لي بلا مناسبه
لو توفيت (بعيد الشر عنه الله يمد له بعمره) بتتزوجي بعدي ..؟

انا اختبصت قلت اكيييد لا
وانت

قال انا مابغى من الحريم غير فلانه بنت فلان >الي هي انا فديته >بس كلام رجال مأكول خيره ماينوثق بهم

قلت له هين

وصار يحلف لي ان مايبغى احد سواااي >قولو ماشاء الله >الظاهر عاف النسوان من المر الي اذوقه اياه خخخخخ امزح


الموهم بعد ذا النقاش

صرت افكر بيني وبين نفسي لو صحيح صار هالشي

خلينا نتكلم بالمنطق صراحة بذا الزمن احتاج ونيس لي يكمل معي المشوار
لو بعيد الشر وعسى ربي لا يقولها وحصل اني ترملت عيالي وبناتي ماراح يبقون لي اكيد كلهم بيكبرو البنات بيتزوجو وبيشتغلو وبينشغلو ببزرانهم وازواجهم والاولاد الي بيبتعثو لبرى والي بيتزوج وبينعزل والي مادري وين بيسكن وانا بضل لا ونيس ولا رفيق وماراح احكم عيالي يبقون بقربي اذذا مصلحتهم يكونو برى

وماظمن ازواجهم ولا زوجاتهم عن اخلاقهم او اذا بيبرون فيني

بصراحة فكرت وفكرت شفت بنفسي اني راح اتزوج لان ماتخيل حالي اعيش وحيده باقي عمري
ابغى من يعجز معاي ويتحلطم على الطالعه والنازله
ابغى بيتي مايخلى


انتو شرايكم بتفكيري

وهل بتتزوجون لو لا سمح الله ترملتو ..؟