البارح واليوم ,, كنت عضوه غير مفعلة ؟؟ تعالوا بفضفضلكم

فرناز :

وعارفين حمدت ربي على ايش ؟؟؟ اني مااستعجل بـ الرد على المواضيع الاستفزازية .. بعضها والله انها من العنوان واضح انها بتثير قهر وغيض البعض .. واضحه وضوح الشمس .. والعجيب اني فجاءه القى الردود طارت فوق ؟؟؟ ادخل القى هوشات !! طيب ليش ؟؟ اذا مافهمتي قصدها من العنوان ؟؟ كيف ماتفهمين اسلوبها !! ممكن وحده تقول لازم ننكر المنكر ؟؟ صح كلامك .. بس البعض يتمرد ويتطاول على الدين اذا نصحتيه .. بالذات اللي لهم اهداف سيئه من مواضيعهم .. اذاً اللي موضوعها فيه سب للدين واحكامه اوالعلماء اورجال الهيئه هذي نبلغ مباشره عشان يحذفون موضوعها.. لاتردون لانها هي اصلا تبي موضوعها يرفع بأي طريقه .. ندخل بجدل ونضيع اعمالنا عشان موضوع استفزازي !! وين راحت هذي الحديثين ..؟ كيف ماذكرناها .. قبل ندخل بمواضيع مالها داعي ..؟؟؟ قال صلى الله عليه وسلم : (وهل يكب الناس في النار على وجوههم أو على مناخرهم إلا حصائد ألسنتهم) قال عليه الصلاة والسلام : . "ما ضل قوم بعد هدىً كانوا عليه إلا أوتوا الجدل"... ثم تلى قوله تعالى : (مَا ضَرَبُوهُ لَكَ إِلَّا جَدَلاً بَلْ هُمْ قوْمٌ خَصِمُونَ) والبعض يكون موضوعها او ردها مؤلم بالذات اذا جاء على الجرح .. احيانا يكون فيه ظلم ، ممكن تشعرين بالقهر .. يكفيك ياغاليه قول حسبي الله ونعم الوكيل ..ردديها اذا حسيتي بالظلم وثقي انك بتهدين وبتشوفين اثرها النفسي العجيب .. والله ان النقاشات , والدعاء على بعض , والسب , يزيد اللي بالقلب وتجلسين مقهوره ساعات قالت وردت واتهمت ووو وبرضوا فيه بعض المواضيع تطلب صاحبتها حكم شرعي ؟؟ تخيلت لو اني قمت افتي واقول رأيي الشخصي ,,, او اعطيها حكم مو متأكده منه ,,, والا ابحث بقوقل وانزل الفتوى وانا ماادري منه الشيخ ولا ادري عن الموقع هل هو ثقه والا لا .. لانهم الان صاروا يتقولون على المشايخ اشياء واحكام ماقالوها .. لازم ننتبه ترى الامر مو سهل .. قال عمر بن الخطاب: [أجرأكم على الفتيا أجرأكم على النار]. قال ابن أبي ليلى: [أدركت مائة وعشرين من الأنصار من أصحاب رسول الله صلى الله عليه وسلم يُسْأل أحدهم عن المسألة، فيردها هذا إلى هذا حتى ترجع إلى الأول، وما منهم من أحد يحدث بحديث أو يسأل عن شيء إلا ود أخاه كفاه]. - قال الإمام مالك: [من سئل عن مسألة، فينبغي له قبل أن يجيب فيها أن يعرض نفسه على الجنة والنار، وكيف يكون خلاصه في الآخرة، ثم يجيب فيها]. ونقطه مهمه ياغاليات ,, للاسف مؤخرا انتشرت بشكل واضح .. اللي هو نقل المواضيع اللي فيها تشويه لسمعة شخص او شركه معينه او مطعم او سوبر ماركات .. شوفوا المحل الفلاني وينزلون مقاطع او صور مقرفه او فار يمشي .. ... والبعض يرد ويقول يالله مقاطعه !! الامر مو سهل .. انت ماشفتي بعينك لا تتتهمين ,, البعض مايخاف من الله ممكن يركب صور ويتهم مطعم معين ,,, وتجين وتنقلين الموضوع وهو ظلم بظلم ..! ليش ندعوا لقطع ارزاق الناس وماعندنا مايثبت ؟؟!! تأملوا ياغاليات .. قوله تعالى : ( يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين) واخيرا يجب ان نسخر اقلامنا لخدمة هذا الدين .. المنتديات هذي فرصه للجميع لكسب الاجر .. لا تتهاوني واسعي لنشر الخير ,, كلمات بسيطه ,, ممكن تفرجين فيها ضيقة احدى اخواتك في الدنيا ,, فيفرج الله عنك كربة من كرب يوم القيامة .. قال ابن حجر _ رحمه الله _ : ( ينبغي للمرء ان لا يزهد في قليل من الخير ان يأتيه ، فإنه لا يعلم الحسنة التي يرحمه الله بها ) ولو فكرنا وش عندنا اصلا من عبادات وذكر ؟؟ لاهين ومشغلتنا الدنيا ؟؟ اقل شي نجتهد وننشر الخير لعل الله يرحمنا .. اسأل الله ان يغفر لي ولكم ويجمعنا في جنات النعيم ..:26:

وعارفين حمدت ربي على ايش ؟؟؟ اني مااستعجل بـ الرد على المواضيع الاستفزازية .. ...