السلام عليكم ورحمة الله وبركااته
صبااااااااااااااااااااااااااح الورد والجوري \\\\\ مسا الكاااااااااادي
اشحااااااااااالكن بنااااااات وصبايا وحريم كلن فحاااله
طبعا من العنوااان عرفتو الاكله وهيه معكرووونه بالبشميل بس طبعا الطريقه طريقة ماماتي ربي يحفظها ويطول فعمرها والتنفيذ علي انا :cook:
الصور فاللاب من سنة جدي هع بس خويتكم وحده عياااااازه من متى اقول بنزل الموضوع واتعااااايز
واليوم حزمت امري وقلت لزم انزلها يعني انزلها خخخخخخخخ
وطبعا المحروسه بنت اخوي معي ومزعجتني مره يعني عادي تشوفون تنقيعات فالرمسه مشوها خخخخخ
ادري واايد ارمس هع هع اظني قلت نص قصة حياتي والباجي فمواضيع ثانيه خخخخخخخ:22:
يلا نخووووووووووش دغري ع المقادير:
1- معكرونه طبعا يفظل الي تكون طويله حبتها يعني مو الصغيره مره والا الصدف لا <<< عاد والشرح :35:
2- 4 او 5 حبات بصلنقطعها ناااعمه
3- حبة فلفل بارد حجم كبير نقطعا ناعمه
4- طمامه حبه وحده لاني ماحبها وايد ونقطعها نااااااااعمه مره
5-دياي مفروم نغسله بالمشخله
6- قطعة مرقة ماجي
7- بقدوونس مفروووووم ناااااااااااااعم وكثري منه يعطي نكهه احلى
8- كزبره وورق غار بعد مفرومين مره
9- بهارات : فلفل اسود + بزار + كمون + ملح
10- قليل من صلصه الطماطم الجاهزه
مقادير خلطة البشاميل:
1- حليب المراعي الحجم الكبير
2- 5 ملاعق طحين
3- ملعقتين سمن المراعي
4- ملعقتين او 3 جبن كرفت السائل
5- مكعب ماجي
6- قليل من الكمون والفلفل الاسود + الملح
طريقة خلطه الدجاج:
نحمس البصل مع الفلفل البارد بسمن مراعي لين يذبلون نضيف الطماطم ولين تحسنه هو بعد ذبل تحطنين البهارات الي ذكرتها فوق ومن بعدها نحط الكزبره والورق غار
بعدها نحط الدجاج ونحركه لين يستوي وطبعا ياخذله شويت وقت وتزيحينه ع جنب
يعني تقسمين المقلاه 2 فهمتو علي؟ صوب لهالخلطه والصوب الثاني نحط فيه صلصة الطماطم مع الماجي وقليل من الملح والبزار
وتحركينهم لين يذوب مكعب الماجي .. هالحركه هيه الي تميز هالمعكرونه لانها تشل حموضة الصلصه والحمدلله عنتجربة الوالده ربي يحفظها
بعدها نخلطهم سوا ونضيف البقدونس ونحركهم على نار هاديه اذا حسيتيه نشف زيدي شوية ماي وحليه لين يتسبك
بهالطريقة نكون خلصنا من خلطه الدياي
المعكرونه نسلقها عادي ويا ماي وملح
خلطه البشاميل:
اول شي تحمسين الطحين مع السمن لين تحسين لونه اشوي تغير تقومين تحطين الحليب بس مو كله حسب احتياجج له
وتحطين مكعب الماجي والبهارات والملح
انا يوم احط الحليب اطفي النار وايلس احركه لان يطلع لي عقد كثيره فاحاول اتخلص منها قبل واذا عجزت يبت المشخله
وكبيته فيها هع خخخخخخخ وبهالطريقة تخلصت من العقد :42: من بعدها احطه ع النار واحركه لين يثقل واحط الجبن فهاللحظه والجبن لازم يكون ذايب يعني مو مطلعتنه من الثلاجه او جامد لانه بتكتل اذا كان جامد ونحركه لين يقول آمين :35:
ومن يفور اطفي النار وبجي نكون خلصنا
وما باجي غير نرتب الطبقات
اول شي تاخذين شوي من خلطه الباشميل وتخلطينها مع المعكرونه
نييب البايركس الطبقه الاولى معكرونه بالخلطه
الطبقه الثانيه خلطه الدجاج
الطبقة الثالثه معكرونه بالخلطه
الطبقه الرابعه خلطه الباشميل
انظف الاطراف لاني دوم اوسخها بالخلطه واذا دخلتها الفرن ومو منظفه تلزق ويصير لونها مو حلو :44:
عشان جي يفضل تنظف حوافها
ومن بعدها عالفرن فوق وتحت بس لا تخليها وايد تحت بس تقريبا 10 دقايق ومن بعدها ارفعيها فوق بس وخليها لين تتحمر
وتعطيج اللون الحلو الي يفتح النفس
الحين اخليكم مع الصور المتواضعه
untitled
وهذي من زاويه ثانيه :35:
untitled3
وهذي خذيت منها قطعه عشان اراويكم من داخل :04:
untitled2
شكرا لحسن استمااااااعكم عزيزاتي المشاهدات :icon28:
باركولي اول مره انزل اكله مع صور هههههههههههههه :love:
اتمنى انكن استفدتو ولو القليل
دعواااااتكم لي احصل وظيفة وربي يحفظ لي ماماتي ويطول فعمرها
الرب لكن حاافظ
سلام
Galb_Zayed @galb_zayed
عضوة جديدة
يلزم عليك تسجيل الدخول أولًا لكتابة تعليق.
سعودية واحب الكويت
•
تسلم الايادى والله يرزقك بالوضيفة عاجلا غير اجل
تسلم الايادى والله يرزقك بالوضيفة عاجلا غير اجلتسلم الايادى والله يرزقك بالوضيفة عاجلا غير اجل
ربي يسلمج حبووبه وتسلمين ع الدعوه الحلوه
الصفحة الأخيرة