الباكورة الهندية...... ولاااااااااااااااا أطيب

الباكورة الهندية أكله مشهورة عندنا بالخليج واكيد أصلها هندي واللي ما يعرفها هي نوع من أنواع المقبلات ومقاديرها كالتالي طبعا الكمية اللي تبونها:
شرائح بصل
كزبرة ناشفه
قليل من الكركم
قليل من الفلفل البودرة
قليل من الفلفل الحار الطازج مقطع الى شرائح صغيرة (حسب الرغبه)
قليل من الملح
قليل من بيكربونات الصوديوم
القليل من مكعب ماجي (نكهة الخضار) (حسب الرغبه)
طحين من كوب إلى كوبين مو وايد


الطريقة:
- تخلط باليد وأكرر باليد البصل والكزبرة والفلفل بنوعيه والملح والبيكربونات جيدا حتى تتكون لدينا عجينه طرية بسبب البصل اللي حطيناه.
- نضيف مكعب الماجي (حسب الرغبه) ثم نضيف الطحين شوي شوي من كوب الى كوبين بحيث تتماسك شوي العجينه
- يسخن زيت للقلي ثم بالملعقه أو باليد نأخذ القليل من العجينه ونضعها بالزيت حتي تتحمر (ملاحظه الاشكال غير متناسقة) لأن احنا استخدمنا يدنا بالخلط فما راح تصير مهروسه أتمنى تكونون فهمتوا علي ..... ومداخيل العافيه