امبارح عملتها وحبيت صورها وارجع نزلها اتفضلوا:
بسم الله الرحمن الرحيم
المقادير :
حليب سعودية او اي حليب مومشكلة بس حبيت هالنوع لهي الاكلة لانه دسم متل بيشبه حليب الشام مع اني ضد الدسم .
استعملت للجاط الموجود بالصورة ادناه حوالي 5 كاسات حليب
كيلو ونصف برتقال منعصره ومنصفيه حوالي يعني 3 كاسات عصير مصفى .
سكر, لكل كاسة حليب 2 ملعقة سكر كبيرة غير مطففة (حسب الذوق كمان )
كورن فلاور ,لكل كاسة حليب ملعقة كبيرة مطففة كتير كورن فلاور.
ماء زهر حوالي ربع كاسة صغيرة
فستق مبروش او لوز بس انا ما كان عندي الا فستق
رشة فانيلا
نضيف السكر والكورن فلاور و الفانيلا الى الحليب وهو بارد
نضعه على نار متوسطة ونستمر بالتحريك ليصبح المزيج تقيل ( اذا حسيت انه خفيف ذوبي ملعقتين كورن فلاور بفنجان حليب بارد وضيفيه للخليط وحركيه ليصير اتقل )
نصبه بجاط البيركس ونتركه ليبرد ويجمد شوي يعني حوالي النصف ساعة بالبراد
وبهذه الآثناء نحضر البرتقال
ناخذ كاس عصير من مزيج البرتقال ونتركه جانبا
نضيف حوال ملعقتين سكر كبار لعصير البرتقال
وحوالي 5 ملاعق كبار كورن فلاور
ونضعه على نار متوسطة مع التحريك
بتشوفي المزيج تقل وصار تقريبا متل الجيلو
نطفي النار ونرفع المزيج ونضيف كاسة العصير بتشوفي المزيج صار سائل شوي ولونه رجع شفاف شوي
نتركه ليبرد شوي ويصبح فاتر ونسكبه فوق الحليب
بهذه الطريقة (الصحن الصغير لجارتي شكلي بخيلة مو )
وهي صورة اقرب
نزينه بالفستق الحلبي واللوز واللوز طبعا اطيب بس انا ما كان عندي
والف صحة واتفضلوا جميعا
ملاحظة : من قبل كانوا يعملوا طبقة البرتقال اولا وبعدين طبقة الحليب بزبادي صغيرة مفردة بعدين يقلبوها
انا جبتها من قصيرها واختصرت الموضوع
