الباميا

ياليت علمتينا طريقتك بالباميا وليش تحسينها ماضبطت عشان نفيدك وش الغلط

لان الباميا لها طرق كثيره وكل بيت يطبخها حسب ذوقه



هذي طريقه

شوحي بصله كبيره مقطعه مع ملعقتين زيت وفصين ثوم على النار الى ان يشقر

اضيفي له لحم مقطع صغير او مثل الاوصال وحركيه دقيقتين

اضيفي له 2 طماطم مطحون ناعم بالخلاط وحركيه الى ان يتسبك

اضيفي له ملعقتين معجون طماطم ورشة فلفل اسود وكزبره ناشفه وبهارات خفيفه وحركيه دقيقتين
اضيفي له ماء يادوب يغطي اللحم وغطيه او اكتميه الى ان ينضج اللحم

اذا نضج حطي ملح والباميا النظيفه المغسوله وحركيه خفيف ثم غطيه على نار خفيفه الى ان ينضج

وتقدرين تضيفين مكعب مرق اذا حبيتي او حبه فلفل حار

يعطيك العافيه ياقلبي شكلها لذيده بجربها الله يسعدك