الباونتي البيتي ....لذيذ ...

السلام عليكم ورحمة الله بركاته ...

تبون اتجربون الباونتي في البيت ... ترى الأكلة وايد حلوة والطريقة سهلة والطعم يطلع مثل الباونتي الجاهز ... أنا سويتها في الاجازة ...

المقادير :-

حليب نستلة المكثف (علبة )

جوز الهند المبشور طبعا

كاكاو نستله(علبة متوسطة)

:cook: الطريقة:-

نضع في وعاء عميق الحليب بس مب كله النص تقريبا بعدين نضيف جوز الهند ونخلطة بالملعقة لين ما يكون عندنا خليط متجانس يعني مب ناشف ولا لين متوسط وتقدرين تتحكمين في الخليط بزيادة الحليب أو الجوز الهند ..

بعدين ناخذ بالملعقة الصغيرة ونكور كل حبة باليد ..بتطلع الحبات مثل كرات الثلج ...

بعد ما نخلص من الكرات ... نأتي بجدر صغير ونضع فيه القليل من الماء طبعا نضعه على النار ...يوو شفنا الماء يغلي نأتي بمله تكون في مثل حجم الجدر و نحط فيه النوتيلا ونحط الملة على الجدر طبعا البخار من تحت الملة بيذوب الكاكاو و نحوس الكاكاو بالملعقة بعدين نرفع الملة من على الجدر و نغمس كل كرة جوز الهند اللي سوينا في الكاكاو ..

بعدين نحطة في الثلاجة ..تطلع أحله وهي باردة

ملاحظة يمكن بنفس الطريقة نكون كرات ملونة .. بس بدل ما نغمس في النهاية الكرة في الكاكاو نغمسة في جوز الهند وتقدر نلون الجوز الهند باضافة كمية قليلة من الأصباغ مالت الحلويات ..

بالعافية