يابنات انا مااحب الكيك بكل انواعه بس الكيكه هذي مدري ليه ساحرتني مااشوفها بمكان الا واشتريها الين تعلمت طريقتها وصرت اتفنن فيها وسهله ومقاديرها بكل بيت انا بعطيكم اسهل الطرق والساااااده من غير اضافات
وكلها تعتمد على كاسه هم سموها باوند كيك لان كل مقاديرها باوند من السكر والدقيق والزبده وهيك
نبدأ المقادير ياقلبي العنا
كاس زبده طرية
اربع بيضات
برش ليمونه
كاس سكر مطحون نفس الكاس اللي استخدمتيه للزبده لا اكبر ولا اصغر ماصورته نسيته :p
كاس دقيق
ذرة ملح
ملعقة صغيره فانيليا
ملعقه كبيرة باكينج باودر
اول شئ تضربي الزبده بالمضرب الكهربائي الين تصير زي كذا
وتضيفي السكر الناعم
وتضربية الين يصير كذا
وتضيفين البيض والفانيليا وبرش الليمون وتحطي بيضه وتخلطي وبعدين بيضه وتخلطي الين يخلص البيض
ويصير شكله كذاااا :32:
بعد كذا انخلي الدقيق مع الملح والباكنج باودر وابدأي ضيفيه على الخليط لايك ذات
واخلضي الين يصير قوامه سميك لايك ذات
يتبــــــــــــــــــــــــــع ,,,
وتدخلينها الفرن المحمى مسبقا
وهنا واذا بالمفاجأة اللي بغت توقف قلبي وانا احط الخليط بالصينية اسمع صوت بالفرن ومدري ليه كنت مكبرة راسي ومطنشة الين اواسي الخليط بالصينية وبعدين قلت لنفسي يابنت شوفي اش قاعد يصير بالفرن واطالع واذ بالفرن شاب ناااااااااااااااار مدري اش صار له فجأة انا مشتريته جديد وكل مااستخدمه اشم فيه ريحه واليوم ولع فيني واروح ابلل مناشف وارميها في الفرن وقفلت انبوبه الغاز قلت لو ماانطفت باشرد وابلغ الدفاع المدني :44: بس اشوى الحمدلله انطفت النيران بعد ماكبيت مويه الخزان كلها وصار المطبخ بحر بس الحمدلله على سلامتي وحسبي الله عالغشاشين :(
كنت مابكمل الكيكه بس تحسفت عالمقادير اللي حاطتها خليت الفرن الين يبرد ونظفته ونظفت المطبخ وولعته ودخلت كيكتي والحمدلله كل شئ سليم
وهنا وهي بالفرن
وهذا شكلها النهائي وماقدرت اصورها زي الناس من الفجعه بس قلت عشان اكمل الصور بالموضوع مايصير اكتب الموضوع ناقص
طبعا لاتقطعينها او ماتخرجينها من الفرن غطيها بقصدير عشان تطرى وقطعيها بعد ماتبرد تماما وبتكون اطعم في اليوم الثاني
وسلامتكم اتمنى تجربوها وتقولولي كيف صارت معاكم
سي يووو