الباوند كيك ( مطبخ منال )

صراحه وايد خطيره وحلوه عن تجربه انا صرت كل يوم اسويها

لان اهل البيت جنو عليها ومره سويتها بالكاكاو وطلعت خرافه

المقادير :

2 كوب طحين
2/1 1 كوب سكر
1 كوب زبده
150 جرام جبنه كريمي غير مالحه ( فيلادلفيا )
4 بيض
2 ملعقه كبيره ليمون
1 ملعقه صغيره فانيليا
2 ملعقه صغيره bp
2 ملعق برش ليمون
4/1 ملعقه صغيره ملح

الصوص :
4/1 كوب ليمون
4/3 كوب سكر بودر
1 ملعقه صغيره زبده
فانيليا

الطريقه :

اخلط الزبده والجبن والسكر بالخفاقه لين يصير هش اضيف البيض بيضه بيضه مش مع بعض
ثم اضيف الفانيليا واستمر في الخفق
انخل الطحين مع الباكينج بودر والملح ثم اضيفه مهم نخل الطحين
واضيف برش الليمون وعصير الليمون

ادهن الصينيه بالزبده والطحين طبعا الصينيه المجوفه من النص شكلها احلى يوم بتقلبينها عشان التقديم

اصب الكيك في الصينيه وادخلها الفرن على درجه 180 لمده 55 دقيقه

اجهز الصوص
اسيح الزبده مع الليمون والسكر على الغاز والفانيليا واخلطه
اقلب الكيكه واصب عليها الصوص وهي حاره قبل ما تبرد

ترش بالسكر الناعم للزينه

وبالعافيه