saudi girl :

بس بعلق تعليق بسيط ...و عن تجربة صارت لنا في النادي السعودي يا أختي وراء النهر...الواحد صعبة يجبر العالم على شيء هو من وجهة نظره صح....أنا معاك الواحد وده يطلع من كل جلسة بفائدة..وده بمجلس ذكر تحفه الملائكة...لكن ما أقدر أغصب العالم على شيء...اللي أقدر أسويه إن أخلق توازن... يعني...من يمكن 3 سنين أو 4 سنين تقريبا جتنا في المدينة اللي كنت فيها مجموعة كبيرة في سنة وحدة منهم مجموعة اللي يطلق عليهم شعبيا (مطاوعة او ملتزمين) صاروا إلا نبي نغير النادي ، طبعا صاروا توجهين...المجموعة الاولى تبي تتحكم في إيش إحنا نسوي و نسولف و حتى ناكل(!) لا تجيبون أكل كثير علشان ما يشيلون البنات هم جية النادي و حنا نبي تجمع أكبر قدر ممكن...لا أحد يتحدث أحاديث جانبية و الدرس قاعد يلقى...لا تلبسون هالملابس و إنتوا جايين النادي و خذي و خلي من الاوامر....طبعا ما صار نادي...صارت عسكرية..! البنات ما قدروا و صار النادي حول ما ينقسم قسمين....مع إن الناس كلها فيها خير لكن مو بهالطريقة...جت أخت فاضلة من المجموعة إياها قالت يا بنات ما ينفع كذا، إنتوا قاعدين تنفرون البنات مو تجذبونهم...يعني تخيلي 4-5 ساعات قاعدين كأننا في مدرسة و إلا كتاتيب...فوش سوت ربي يوفقها وين ما كانت....صارت تسوي درس 15 دقيقة ، و صار هي اللي تلقي الدرس و وحدة ثانية لها أسلوب محبب....شوي شوي صار الدرس يمشي بالدور....و كانت مشددة على سالفة الربع ساعة علشان لا يملون البنات...بعدين صرنا نحفظ صور جزء عم...و كل وحدة تسمع للثانية....ما تصدقين كيف كان يمتلي النادي بوقتها... الناس فيها خير كثير...لكنهم محتاجين احد يوعيهم بطريقة حلوة....مو ينفرهم و غصب و لا تسولفون و إلا إحنا بنحدد لكم المواضيع كأننا أطفال روضة... و طبعا لازلنا مستمرين بطريقتها اللي يجزاها خير...لأنها فعلا مسكت العصى من الوسط زي ما يقولون...و تخيلي الأجر اللي يجيها لما الحين...مع إنها قعدت بس 6 شهور :) يمكني طولت...لكني حبيت أكتب تجربة مرينا فيها و كيف طريقة التعامل تفرق السماء عن الأرض مع إن الهدف واحد...

بس بعلق تعليق بسيط ...و عن تجربة صارت لنا في النادي السعودي يا أختي وراء النهر...الواحد صعبة...