البحرين اليوم خضرا بحب بو متعب

تلونت اليوم البحرين باللون الاخضر وانطلقت اناشيد وادعية ان الله الرحمن الرحيم يحفظ السعودية واهلها تحت رعاية وقيادة بو متعب وال سعود الكرام
يحفظ هالديرة الطاهرة وهالشعب الكريم النشمي صاحب الدين وراعي راية الاسلام وحافظ الامانة امانة ان كل المسلمين والعرب اخوان له وحتما عليه ايذود عنهم ويحميهم
صار لنا اسبوع ياخواتي الكريمات واحنا نتجهز حق هاليوم المحلات امتلت من صور بومتعب وولي عهده واعلام السعودية لدرجة ان حتي في بياعين واقفين بالشارع ايبيعون الاعلام والصور
السفارة السعودية امس وزعت بعد الصور والاعلام وفي بحرينين سافروا الي الخبر والدمام عشان يشترونهم
المدارس والشركات والوزارات تلونت بالخضر واحتفلت بحب السعودية واهلها وحكامها هالحب الي صار الحين بقلوبنا وعشان هالحب حتي ثيابنا اليوم الي لبسناها كانت خضرا وحطينا صور بومتعب وبوسلمان تاج راسنا علي صدورنا وفي قلوبنا
افتخروا ياهل السعودية بعيالكم وبحكامكم الله رزقكم سبحانه وانت ارض التوحيد وارض اطهر بيت بهالدنيا
اذا كانوا البحرين في يوم من الايام ايحبون السعودية فهم اليوم ايذوبون في السعودية ووقفتكم عمرنا ما بننساها وكل هالخير والامان الي انشوفه اليوم من خير الله ثم خيركم
قولوا امين الله يحفظ السعودية واهلها وحكامها ويحفظ البحرين واهلها وحكامها والله لا ايغير علينا ولا عليكم امين يا رب العالمين