البخور يا خليجيات عشان خاطر المصريات

مرحبا ...
راح اعلمك طريقتى بالبخور وهى تمسك فينى حتى لو رجعت تروشت ثانى تبقى الريحه فينى وفي شعري ..
حضري ..
نوعية بخور ممتازه وانا اتوقع انو فيه فروع بمصر لمحلات حامل المسك او عبد الصمد القرشي او العربيه للعود ...
خشب العود ويكفى انك تستعملى قطعه واحده كل مره قد نص الاصبع وهناك الكثير من انواع العود الممتازه وتقدري تتعرفى عليها بالمحل من لونها الفاتح واطلبى من البائع بشعالها اذا طلع منه زبد كثير معناها ممتازه ..
عطر دهن المسك الابيض ..وهناك خلطات رائعه لدهون الشرقيه تقدري تختاري على ذوقك..
بودره وكريم معطر ...
بعد مااخذ دوش الحمام ادهن جسمى بالكريم وبعدها احط البودره واحط بشعري قليل من عطر دهنى وخلف اذنى وفي راحة يدى وامسحها على جسمى والبس ملابس واسعه او مشمر الصلاه واجيب المبخر واحط البخور والعود واتركه تحت ملابسي وانا واقفه لفتره كافيه لين احس انو بدا يطلع الدخان من ملابسي واحيانا احط المبخر تحت الكرسي الى اجلس عليه وانا اصفف شعري واترك الدخان يتشرب جسمى وشعري كله ..
كل ماكان جسمك رطب او مرطبته بالكريم مسك فيكى الريحه بقوه ...
مع الاستمرار بتبخير لجسمك حتى اليوم الى ماتتبخري فيه بيكون جسمك له ريحة البخور لانه بيكون جلدك تشبع بريحه العطره ...
اتمنا انى افدتك اختى ...