البدااااااااااااااااوي وصــــــــــــــــل

طبق مجبوووس

بداوي وسريع ما يبغيله حمسه ولا لمسه

لحظه باشمر عن سواعدي

المقادير

لحم او دجاج على كيفج
3 ملال عيش مغسول ومنقوع نص ساعه
3 بصل مقطعه
3 طماطات مقطعه بدون قشره احسن
2 فص ثوم مدقوق مع جنزبيل
بهارات ( خليجيه انا بصراحه عندي بهارات من كل قطر اغنيه )
( ملعقه من كل كمون + جلجلان + فلفل اسود + ليمون اسود مطحون+ كركم ملعقتين
(مسمار 4حبات او مطحون والدارسين والهيل) + فلفل حار علوب خضر 4 + 4 ليمونات سوداء)
ترى نحط البصل في طبق ونحط عليه البهارات كلها وطماط والثوم والكركم ونقلبه مع بعض ونخليه على جنب
ولا تنسين الجدر اللي بتطبخين فيه

الطريقه

اول نغسل اللحم او دجاج
ونعبي الجدر بالماء ونحطه على النار حاميه
ونزل فيه اللحم واو ل ما يبتدي يطلع الزفره نشلها اول باول

ولين شفتي اوكي ماشي حاله
الخلطه السابق خذيها وحطيها فوق اللحم عاد وشمي فضيعه
شي رهيب
وخليه فترة نص ساعه او اكثر حتى يستوي معاج اللحم
وهنا يجب ان تكون كمية الماء مناسبه حق نزعيه اللحوم المستخدمه
واول ما تشوفين اللحم ستوي ارفعيه
وحطيه في صينيه الفرن وتكونين مجهزه خلطه طماط صلصل مع زيت زيتون مع هيل شوي
ودهني بها اللحم او الدجاج ودخلي الصينه الفرن الحامي حتى يتحمر معاج
بسرعه وما ينشف
المهم عقب ما ترفعين اللحم من المروق اتشلين منه شوي بحيث ان الماي يناسب
العيش الي انتي حاطته
حطي العيش على المروق ( مالت اللحم ) واول ما يغلي الرز وتشوفين حبات الرز كذا حلوين قصري عليه وخليه يستوي
واذا اللحم اللي في الفرن ستوى رجعه مره ثانيه على العيش لين وقت النجاب

انجبي العيش وحطي عليه الايدام ( وممكن اتصخين المرقه اللي شليتها وترشينها حق اللي
يبغي

عااادي ودعيلي

شي رهيب

تحياتي سكووووووووووووره

عساني ما طولت عليكم :27: