رائــعــة الكلمة :

والنعم باصلك الفارسي..وهم كثير بالحجاز وكمان بالكويت كثير من ايران والنعم بكل الاجناس.. لكن الاخت بلو انجل ماكانت تقصد بموضوعها حضر الحجاز اللي اصولهم من خارج الجزيرة العربية وانما تقصد حضر (نجد) وتحديداااا(القبايل) يعني على قولتنا ياهل نجد(الشيوخ)..هذا على حسب فهمي للموضوع.. اتوقع كلامي السابق كان جواب لاسئلة كثير من البنات اللي كرروا سؤالهم(ايش الفرق بين البدو والحضر)؟ حضر نجد غير تماما عن حضر الحجاز..الاسم نفسه لكن المضمون والمقصود يختلف تماما. والاسرة الحاكمة أل سعود (يا اسلوبي) من حضر نجد القبايل تحديدا الدرعية وينحدرون من قبيلة ((عنزة)) وليسوا من باديتها اطلاقا..لان الحضر حضر والبدو بدو من عهد الرسول صلوات الله وسلامه عليه. يعني من الخطأ اننا نقول ان البدو تحضروا وصاروا مثلهم مثل الحضر,,ولكن ان حبينا نوضح تطورهم نقول (تطوروا) لانهم باقين على اصولهم البدوية حتى وان وصلوا لاعلى الشهادات والمناصب او حتى ان لبسوا ماركات هههههه :) على قولة اختنا الكريمة فالحضر حضر والبدو بدو الى ان تقوم الساعه..والف نعم بكل الاثنين اما المسمى(الخضيري) عندنا ياهل نجد والخليج كويت قطر بحرين وامارات فهم اللي ماينتسبون لقبيلة محددة..ولكن مومعنى هذا ان مالهم اصل.. والحضر في نجد انتمائهم يكون لعوائلهم فقط مولقبايلهم.. بمعنى انهم يقولون انا فلان بن فلان الفلاني(تحديد العائلة فقط دون الرجوع لمسمى القبيلة) اما البدو فيقولون انا فلان بن فلان القحطاني او العتيبي او المطيري او السبيعي او او او او هذي معلومات بسيطة استقيتها من الوالد ربي يحفظه ويقومه بالصحة والعافية وكمان من بعض الكتب, بلو انجل ربي ينولك اللي ببالك ويكون عبد من عباد الله الصالحين ويستر عليك وعلى كل المسلمات يارب العالمين..اللي لمسته من كلامك انك طيبة جدااااا واسلوبك رووعه وذوووق وماحسيت فيه انتقاص لاي فئة وانما كان كله احترام وتقدير وهذا نابع من تربيتك,, موفقه

والنعم باصلك الفارسي..وهم كثير بالحجاز وكمان بالكويت كثير من ايران والنعم بكل الاجناس.. لكن...

رائــعــة الكلمة :

شوفوا حبايبي انا بوضحلكم بعض النقط اللي مافهمتوها وان كانت مالها دخل بالمشكلة اللي ذكرتها(بلو انجل) ..ولكنها نقطة ايضاحية مهمة تبنى عليها كل النقاشات المطروحة.. ((اهل نجد)) وهم اهل القصيم والرياض وسدير وشقرا ومنطقة الوشم فيهم الحضر ,, وفيهم البدو ركزوا معي .. (الحضر): ينقسمون لقسمين اللي هم قبايل وخضيرية.. القبايل بضرب لكم مثال معروف عشان بس الفهم..الحضر القبايل مثل ((أل سعود))الاسرة الحاكمة..اما الخضيرية مافي داعي اذكر مثال.(والنعم فيهم) هذا بالنسبة لمنطقة نجد.. ((الحجاز)) (الحضري) عندهم مو مثل الحضري عند اهل نجد..ولكن المقصود بالحضري هو اللي اصوله ترجع الى خارج الجزيرة العربية يعني من مصر او الشام او المغرب او اتراك اوجاوه او بخارى او هنود.....فهمتوا..؟ (والبدوي) عندهم هو اللي يرجع لقبيلة مثل الحروب والجهني والعتبان..يعني المقصد هو الرجوع للقبيلة مو كونه فقط من البادية مثل المفهوم السائد بنجد..حلو الكلام..؟ ان شالله فهمتو اللحين..؟ اللي مافهمت ترفع اصبعها وتسال :) بالنسبة لخادم الحرمين الشريفين فهو مثل ماوضحت بقمية كوول انه مافي من زوجاته من بنات المدني مثل ماقالت واحدة من الاخوات ولا حتى اخذ حجازية من اصلو.. زوجاته 3 بدويات.. 2 من بدو العراق (شمر) وواحدة من بدو الشام(عنزية).. وواحدة قصيمية حضرية.. بالنسبة للي يسالوا هل فيه قبائل بدوية بالجنوب..؟ نعم,, مثل قبيلة قحطان...وكذلك قبيلة(الشهراني) حسب زميلاتي المعلمات يقولو منهم البدو ومنهم الحضر,,والعهدة على الراوي .لاني نوعا ما اجهل بالجنوب كوني ما انتمي لها..لكني على علم بمنطقتي منطقة نجد.. وتراي(موفخر ولا غيره ولكن عشان اكون بالصورة) قصيمية..حضرية..قبيلية.. ((يلا عاد فصفصوا لي هالمساله )) :) وبالنسبة للاخوات اللي قالوا سبب عدم اقبال الحضر على الخطبة من البدو انه بسبب ارتفاع مهورهم فهذا كلام غير صحيح لان الحضر هم اللي مهورهم عالية هذا غير تكاليف الزواج الباهضة(اقصد حفل الزواج) غير تهيئة المسكن..غير المجوهرات من طقم وساعة ودبلة بالشئ الفلانيززيعني لو الموضوع ذهب مثل البدو كان سهل,,لكن الماس وما ادراك ما الزمرد والياقوت.. السبب هو عدم رغبة كلا الطرفين من الزواج من الطرف الاخر. يعني مافي داعي نذكر اسباب تقلل من شان الطرف الاخر لمجرد اننا ماننتسب لهم.. الكل يفتخر باصله.. يعني بالله سؤال للي تفتخر بانتسابها لهالطرف (الفلاني) انتي على ايش بنيتي افتخارك باصلك..؟ هل مدح اصلكم مذكور بالكتاب او السنه.؟ ام انه كلام يرددونه اهلنا واجدادنا عن افتخارهم باصولهم!! ماودي اقول عيب بس ياليت تنتبهوا لهالمسألة...لانها تدخل بالتعصب المنهي عنه اتمنى كلامي مايمس احد باحراج وان كان فيه هالشي فالمعذرررررة.. وفي امان الكريم

شوفوا حبايبي انا بوضحلكم بعض النقط اللي مافهمتوها وان كانت مالها دخل بالمشكلة اللي ذكرتها(بلو...