بنت الشايب الشامخ
باقي اهلنا بدو وعندهم غنم ونياق وحليب نياق
ومضير وسمن ودخن
وشبة نار وخيام وعايشين احلى ايامنا
وانا ساكنه بالرياض ولاعشت حياتهم ونفسي اعيشها
💛💛
بـــوحـ
بـــوحـ
مو كان عندنا عضوة اسمها مها الصعيري!!
مو كان عندنا عضوة اسمها مها الصعيري!!
صحيح نفسي اعرف هي نفسها او لا 😁




شطحه😋
البووح الصادق
البووح الصادق
بقول جانب من حياتنا بالكويت ...


بالشتاء ... كلن يجهز خيمه ..واغراض واكل وكل شي يلزززم البر ... يختارون مكان بعيد عن الديره ... مثل ام نقا تبعد عن الديره ٢٠٠ كيلو تقريبا .. . الحماطيات . العبدلي . السالمي . الارتال .


يطقون الخيام ... ويرتبون المكان ... اهل زوجي حتى دجاج وارانب وقطاوه يجيبون معهم ..،،


تجي عطلة نص السنه ومدتها اسبوعين وعليها ... نروح نسكن بالبر ... مانرجع للديره الا اذا قالو باكر مدارس ... طبعا حاطين خيمه مطبخ . ومسوين حمامات .. وجايبين اباريق كبار عشان نصخن الماي فيها لكل صلاه.... ونقعد نصلي الفجر وصوت الديك يملا المكان ... ونسوي الريوق مع الفجريه وخبز تنور حار وريحته تملا المكان ... والجهال كلهم يدجووون بالبر يلعبون يركضون يرسمون بالتراب .......وحنا اللي تقعد تحت الشمس . واللي تكنس خيمتها ...واللي تنهض فرشهم .... واللي تركّب الغدا وتجهز له .... يكون احساس البر عجيب غريب .... وتعيشين حياه حلوه خاليه من التطور .... وبالليل عشا مع خبز تنور . واللي يبي حليب بزنجبيل والنار شابه يسوي ويشرب ... الساعه تسعه بالليل كلن يكتف بخيمته .... ويطفون الماطور حق الكهرب ونقعد ع ضوء الجنديل .... والعيال ينامون وهم تعبانين من لعب النهار.....وبعض المرات بالليل اسمع حسحسه عند الخيمه اطلع القى اخت زوجي تقول امشي معي ونسيني بروح الخلا .....






هذا شتانا بالكويت ماشاءالله تبارك الله ...عسى ربي يديم علينا الامن والامان ...اذا خلصت العطله نرد للديره ...ونصير نروح للمخيم نهاية الاسبوع ونقعد نتونس ..ونرد اذا باكر مدرسه ..لحد مايخلص الشتاء ...
جنان الدعوةum
جنان الدعوةum
يا زين البدو والله ❤️❤️❤️
لبن حلو
لبن حلو
إلا باقي ...خوال أبوي بدو ورفضوا يسكنون بالبيوت باقي في خيام وغنم وإبل وحياة بداوه اما عيالهم رفضوا سكنوا بعماير كل واحد ماشاء الله ساكن بفله
إلا باقي ...خوال أبوي بدو ورفضوا يسكنون بالبيوت باقي في خيام وغنم وإبل وحياة بداوه اما عيالهم...
ابغاهم يضيفوني اسبوع وبدون جوال
وبدون عيالي وزوجي
ابغى ألبس اسود وعصابتن سودا وأوشم على جبهتي وارعى الحلال