النهارده ان شاء الله جايبالكم طريقه عمل البورجر اللذيذ اوى مع الكيزر الهش جدا
ودى صوره علشان لو حد عايز يقييم ولا حاجه
كان لذيذ اوى ورائع وسهل مبيخدش وقت خالص
البرجر
نص كيلو لحم مفروم هتفرمى معاه حته دهنه بتخلى طعمه جميل اوى وعلشان هيستوى على طاسه فميتحرقش
وبصلتين كبار تفرميهم ناعم ومعلقتين بقسماط وممكن تستغنى عنهم
فلفل اسمر وكمون وقرفه ربع م ص
فص حبهان استخمى البذر اللى فيه ونص م ص جنزبيل
تعجنى المكونات كويس اوى وتفرديها بين كيسين بلاستيك بالنشابه بسمك سم واحد وتقطعيها بقطاعه مدوره او سلطانيه بمقاس اكبر من اللى انتى عايزاه وتسبيها 10 دقايق ترتاح
لغايه هنا ممكن تحتفظى بالاقراص في الفريزر وبين كل قرص والتانى كيس بلاستيك
هتجيبي طاسه تيفال وتحطى فيها معلقه ص دهن او سمن او حتى زيت خفيف وتسخنيها ويس وتحطى الاقراص
5 دقايق وتقلبيها على الوش التانى لما تحمر وتديكى لون جميل لو لقتيها نشفت منك ممكن تحطى معلقه ميه دافيه في الطاسه تحطى فوقها شرايح طماطم او فلفل في اخر دقيقتين
وتقدميها في الكيزر مع طحينه او مايونيز او كاتشاب وممكن جبنه شيدر وخس وفلفل وطماطم حسب ماتحبي
وعلى فكره طريقه التسويه دى بتخلى طعمه افضل بكتير من جوه الفرن
اسيبكم مع الصور
والكيزر عملته بعجينه العشر دقايق هبقي انزله في موضوع ان شاء الله
ودى مره تانيه قدمته مع مكرونه
وياريت كل واحده تشارك برايها وطريقته
