انا كنت عايشة في بريطانيا مدة سنتين ورجعت السنة اللي فاتت زي الحين ابريل.....

انا راح اقول برنامجي اليومي لمن كنت في الغربة يمكن افيد احد مغترب :

اقوم الصباح السعة 9 افطر عيالي والبس ولدي واودية المدرسة....

ارجع ارتب البيت واقعد عالنت او اكلم صديقاتي وبنتي تطالع الكرتون او تلعب واذا جاء وقت الغداء سويتة واروح

اجيب ولدي من المدرسة....

بعدين نرجع نتغدى وبعدها اروح امشي كل يوم ساعة مع صديقتي وفي بعض الاحيان ناخذ عيالنا ونروح الى

اي حديقة قريبة ولازم ناخذ معدات الرحلة السعودية بس نوصل نفرش البساط ونحط الشاي والقهوة والحلى والفطاير

وهات يااكل تقولين مفاجيع كاننا رايحيين الحديقة علشان ناكل والكل يطالع غير الكلاب اللي تيجي تهوهو

واحنا نصيح والعيال يصيحون .

وبعدها نرجع البيت ونعشي العيال ما نسيت بتقولون غريبة ما تذاكر لولدها لانة في المرحلة الاولي والمذاكرة

عبارة عن قصة قصيرة يقراها بس او بعض الكلمات.

واذا كانت فية شيء ناقص للبيت نروح السوبرماركت ونقضي اغراض ....

وبعدها نرجع البيت وننيم العيال ونطالع التلفزيون وبعدها انام .

لا تقولين الله ايش هالعيشة لانة يتخللها المنقشات الحادة والزعل وغير الشوق للاهل والبكاء على فرقاهم

وكل يوم نفس المنوال طبعا يتخللة شغل البيت عبارة عن غرفة نوم رئيسية وغرفة نوم اطفال ومطبخ وحمام صغير

والقاريين بكرامة زي حمام الطيارة وحديقة داخلية وحديقة خارجية اشي بط وايشي سناجب وايشي ورود

مو احنا قطوا يماوي من الجوع ولا حمامة ميتة جنب الشباك !!!!!!!!!!!!!!!!!!!!!!!!

المهم جمعتنا مع صديقاتنا تكون يوم جمعة لانة يوم الاربعاء بالنسبة لنا وتكون كل اسبوع على وحدة حسب الترتيب

الهجائي واذا كان فية ضروف للي عليها الدور تاخذة اللي بعدها في الترتيب..

والجمعة ما يكون فيها عشاء انما كل وحدة تجيب اي شي من صنع ايديها كبسة , حلى , فطاير , سلطة , ساندويشات

اي شيء لان الحياة غالية هناك وكمان صعبة على وحدة تسوي حق 10 عوايل علشان كذا نشترك ونخخف على

المضيفة وما عليها الا الشاي والقهوة واي نوع من الاكل وكل وحدة تسوي غير عن الثانية بالاتفاق علشان ما تتكرر

الوجبة .ويوم السبت كل وحدة تطلع مع زوجها اذا بغت..

وعندنا يومين في الاسبوع كورس انجليزي وكمبيوتر...........

ومعانا في الكورس باكستانية مسلمة نعزمها من فترة لفترة ومنها نقوي لغتنا لاننا نضطر نتكلم انجليزي

وبالنبسة للاعياد نتفق مع بعض ونشوف اكبر بيت في المجموعة ونخلي العيد فية وكل وحدة تجيب غداها وحلاها

معاها صارت اغنية!!!!!!!!!!!!!!!!

.ونشتري العاب لعيالنا ونعطيهم صباحية العيد ......

وتوتة توتة خلصت الحتوتة ارجوا اني ما اكون ثقلت عليكم ..

ولكم تحيا تي........................

لدي سؤال لك يا احلى الاصوات هل تحنين الان للعودة الى هناك ؟؟؟؟ من خلال كلامك حسيت انك مشتاقة حتى اسمك يوحي بذلك هاه وش رأيك ؟؟

الى الاخت مرفأ ما شاء الله عليك كانك عارفة مع اني ما جبت اي شيء بيين اني حنيت اني ارجع

على العموم هي تجربة حلوة استفدت اشياء كثيرة وكانت عبارة عن رحلة شبة طويلة .

اما بالنسبة لاسمي : فانا اموووووووووووووت في المطر وبالذات صوتة على اخر الليل شيء

رهيييييييييييييييييييييييييييب كنت اقوم في نص الليل واوقف عالشباك واطالع المطر واسمع صوتة

وبعض الاحيان ينتابني شعور: الحزن +الفرح = دموع


ولكي تحياتي:26: :26: :26: :26:

اشكر لك مشاركنك معنااختي صوت المطر صراحة ما في احلى من صوت المطر صوت شاعري رائع تصدقون ساعات ما ابيه يوقف وابيه بقوة يجنن حتي رائحة الجو رههههههههههههيبة

عزيزتي شئ طيب احساسي صادق على الاقل نحس في غربتنا ان هذا شئ مما يتمناه غيرنا فنحاول الاستمتاع ولكن اه من البعد عن الام !!!!!!