مشاركتي هالمرة براويز قسمتهم لمجموعتين ، مجموعة انا سويتها ، ومجموعة جاهزة من السوق ..
راح ابدأ بالمجموعة اللي انا سويتها ..
* بالنسبة لهالاطار فكرته وايد حلوة وسهلة ، اخذت كرتون مقوى بس يكون الكرتون الضعيف اللي مو محشي ، قصيته على اكبر من حجم الصورة شوية ، وبعدين قصيت مربع على حجم الصورة حتى يكون غطاء للبرواز من الخلف وبعدين جبت القماش وهو من فرو التايغر وقصيته على شكل البرواز ، وحشيته ديباج خفيف وطلع مثل ما انتم شايفيين .



*اما هذا الاطار زينته باكثر من طريقة :
بس أول بوريكم شكله وهو سادة :

وهني زينته بسنبلة ، لمسة بسيطة عطت شكل حلو ..

وهالمرة زينته بوردتين زنبق ، وطلع شكله وايد ناعم ..

وأخيرا زينته بوردة عملتها من الورق المقوى ..

*أما هذا الاطار عملته بنفس طريقة برواز التايجر بس القماش والقصة اختلفوا ..
