البرود العاطفي

زوجي طيب القلب متسامح يبادلني الحب ولكنه نادرا ما يدللني بكلام أو غزل لطيف الا نادرا علما بأنني لا اقصر في تدليله ومناداته باسم الدلع واعطيه هدايا في كل مناسبه ذكرى ميلاده أو ذكرى زواجنا ... او الاعياد وأحيانا عندمايحب شيئا او حتى بدون مناسبه.
جاف الا حد يغيظني يعني كل شي عنده عادي مايحسسني انه يبغاني وخصوصا لما يقعد على النت ينساني بالساعات وحتى لو يدري اني انتظره ومتزينة له وتعبانه علشانه عادي يكمل الشات وبعدين يتذكرني حتى مره انقهرت مره كنت طالعه رحله مع اهلي البحر وماردينا الا بوقت متأخر تمنيت اول ما ادخل يقول لي اشتقت لك المكان مايحلى بدونك ابد كل اللي سواه : زين ييتي آنا يوعان ماتعشيت وعلى فكره يمكن اتاخر على النت لاني توني داخل ماصار لي نصف ساعه.
واللي يقهرني انه اذا غاب استقبله بالاحضان ويستانس بس ليه كله مطلوب مني وما ادري شنو الحل وياه تعبت وانا اكلمه يقول لي انتي حساسه وايد ورومانسيه بازيادهانا ادري انه مايكرهني واللي يسويه لانه عاش في بيئة جافه جداغير البيئة اللي عشت فيها انا لكن تعبت وانا اصبر واقول يمكن بكره يتغير .....
واحيانا يقول لي الخليجيات مايدللون الرجال ومايشبعون غرائزهم ولا ولا....(طيب عطونا حقنا نعطيكم فوق حقكم)
.واذا قلت له انا مااسويلك هاذا الشي ؟؟؟؟ يقول لي لا انا مااتكلم عنك ومو كل البنات مثلك بس اتكلم بشكل عام اقول له طيب قول لي شلون تبيني اسعدك ؟ شنو ناقصك يقول لي لا تدققين وبس طيب هو جامد وتاعبني ارجوكم ساعدوني انا بجد محتاجه لنصيحتكم.