سلااااااام بنات
بنات هذه أول مشاركة لي فمستحية شوي أبغي منكم تشجيع وترحيب :)
هذا برياني أتعب وانا اقوووول روعة لذيييييييذ :) والله بدووون مبالغة أهلي دايم يطلبون اسوي
واللي يذووقه يتخبل على الطعم والنكهة :42:
بحط لكم الصور وهالله هالله في التشجيع
الصور شوي مو واضحة لأنها بالموبايل سامحوني :(
المقادير :)
6 بصلات مقطعات جوانح
كيلو لحم موزات
أرز بسمتي
كاس لبن أو كاس كريمة الخفق مضاف اليه 4 معالق خل ابيض
نص إلى ثلاثة أرباع كاس نعناع مفروم
فص ثوم مع شوي زنجبيل مطحون و إذا تحبي الحار ضيفي فلفلة
بهارات خليجية + شوي كاري
بهارات صحيحة
لوز وصنوبر محمر
نعناع
شوية كزبرة خضرة مفرومة
الطريقة
أول شي اسلقي اللحمة مع البهارات الصاحية ( ورق الغار ، دارسين ، هيل ) انا اسلقها في قدر الضغط خليها تستوي زين
بعدين صفيها ولا تكبيت ماي السلق ، اخذي الماي ذي واغلي وسوي فيه الأرز ثلاثة أرباع تسوية :)
الحين اخذي البصل وحمريه لين مايذبل ويصير بني فاتح الحين ضيفي معجون الثوم والزنجبيل واللحم و البهارات و
خلي اللحم يتحمر مع التقليب
لما يتحمر اللحم ضيفي اللبن او كريمة الخفق واللي تبي روب بكيفها بس الروب ممكن يتكتل معاش وانا مجربة الاثنين احسن شي كريمة الخفق او اللبن :42: بعدين ضيفي النعناع
خلي اللحم شوي يتسبك في الصلصة ذي
وبعدين ضيفي الرز وهزي شوي القدر عشان يدش الرز في الفراغات
عقب قصررري على النار مررررررة خليها كأنها شمعة وصبي على الرز من فوق ماي ورد منقوع فيه زعفر ان واكتمي القدر بلقصدير وخليه تقريبا نص ساعة بس اهم الشي النار تكون كأنها شمعة
وبعدين قلبي القدر في صحن التقديم وزينيه بالبيذان والصنوبر المحمص والكزبرة المفرومة واذا حبيتي جوانح البصل المقلية
كل مرة اسويه اسمع انواع المديح من زوجي ومن اهلي
وألف هنا وشفا واستمتعي بالطعم الرااااااااااااااائع
انا اموت في البرياني واللي اسويه لذيذ بعد