هلا وغلا
ماسكه معي الا اتفصحن عليكم اليوم واكتب لكم بالفصيح فتحملوني وغضوا النظر عن الاخطاء
اقدم لكم البرياني المعتمد عندي عندما لا املك الوقت الكافي
تفرجي على الصوره حتى يسيل لعابك
المقادير
صحن صدور دجاج ويفضل طازج مقطع الصدر الى 3 قطع
زيت حسب رغبتك او مقدارك تقريبا فنجان قهوه عربي او مايكفي لتشويح البصل
بصله مقطعه شرائح
فصين ثوم مقطع
حبتين طماطم مقطعه شرائخ عريضه
ملعقتين صلصه
حبتين او حسب الرغبه بطاطس مقطعه
فلفل اخضر بارد
علبه او علبه ونص زبادي محرك مع نص كوب ماء
بهاراتك
الارز
رز بشاور 3 اكواب مغسول ومنقوع بماء دافئ
اصبع زبده للارز + هيل + ملح فقط
زعفران منقوع في ماء الكادي
الطريقه
خلاص جينا للجد بكتب بالعامي
الزيت على النار ثم البصل وتشوحينه ثم الطماطم والصلصه والبهارات وتقلبينهم لين تشمين الريحه ال يمي يمي
وبعدها تضيفين الدجاج وتقلبينه لين يتسبك مره وبعدها البطاطس
وبعدين تحطين الزبادي تصبينه بالتدريج مع التحريك المستمر السريع
والنار عاليه علشان مايتقطع عليك
وماتغطين القدر لين يغلي المرق وبعدها غطيه وخلي النار على الوسط لان مافيه مويه كثير بس راح يطلع مويه
نبدا بسلق الارز بنص اصبع الزبده والهيل والملح ثلاث ارباع السلقه ونشخله
ويكون بهذا الوقت استوى الدجاج لانه مقطع صغير وماياخذ وقت
نتاكد من الطعم ما اضافة الملح ثم نحط الرز فوق الدجاج ونخلي النار على الوسط العالي مش العالي علشان مايحترق
ليت تحسينه شرب المرق بعدها تقصرين النار على الوسط الوسط وتخلينه شوي بعدين تخلينه على نار هادئه
وباقي اصبع الزبده تقطعينها صغااار فوق الرز وترشينه بموية الكادي والزعفران في هذا الاثناء بتدوووخين على الريحه
تخلينه بالكثير ثلث ساعه وطفي النار عنه وبعديه عن عين الفرن وخليه خمس دقايق مغطى
ثم اسكبيه بالصحن وبرضوه خليه شوي بدون تحريك علشان ينزل كله مايبقى شي بالقدر
وارفعي القدر وتمتعي بهذا البرياني الخطيييير وشوفي الصوره
ملاحظه
صحني كبير بس انا غرفته فيه لاني بوزعه وبرسل لجارتي منه
وسامحوني على التقصير في الشرح بس هذا جهدي
وان اعجبكم وشجعتوني
بنزل لكم ان الله ارد
عزيمة زوجي لجيراننا الثلاثاء الجاي:)