Raghad Ahmad @raghad_ahmad
عضوة نشيطة
البرياني الهندي بالدجاج :p
السلام عليكم ورحمة الله وبركاته
كيفكم ان شاءالله طيبيين؟
انا جديدة في المنتدى وهادا اول موضوع ليا
في علاقة تربطني بالهند بشكل مو طبيعي
وللأمانة فيا عرق هندي
فأغلب طبخاتي اللي حاجبلكم هيا هندية :P
اليوم حاعطيكم طريقة البرياني الهندي بالدجاج
انا لما سويتها كانت مرررررة لزيييزة واللي حتجربها تكتبلي كيف كان الطعم :p
المقادير:
1 دجاج
2 بصل مفروم
5 فص ثوم مهروس
2 طماطم مفروم
3 ملعقة كبيرة لبن زبادي
فلفل اخضر حار حسب الرغبة < انا الفلفل اللي عندي مره حار فاستخدمت فلفلة وحدة
1/2 ملعقة كبيرة ملح
1/2 ملعقة صغيرة فلفل اسود
1/2 ملعقة صغيرة كمون
1/2 ملعقة صغيرة كزبرة ناشفة
1/2 ملعقة صغيرة زعفران
1/2 ملعقة صغيرة قرفة ناعمة
1/2 ملعقة صغيرة قرنفل
1 ملعقة صغيرة بهارات البرياني
5 حبات هيل
رز منقوع في مويا حارة
الطريقة:
1- في قدر على النار تحمرو البصل في الزيت بعدين تحطو التوم والدجاج والبهارات (تقلبوه كويس على نار هادية).
2- تحطو الطماطم فوقهم وتقلبو الين تحسوه سار كثيف شوية بعدين تحطو اللبن الزبادي (تغطو القدر وتسيبوه على نار هادية الين يستوي الدجاج)
3- طبعا بعد ما يستوي الدجاج تحطو فوقو الرز مع شوية مويا (تغطوه تسيبوه الين يستوي الرز)
وبالهنا والعافيةة
واللي تجربو لا تنسى تكتبلي كيف كانت تجربتها
وللاسف انا ماصورت الطبخة المرة الجية ان شاءالله اصورها
30
9K
يلزم عليك تسجيل الدخول أولًا لكتابة تعليق.
maram asa
•
يسلموووو
فول احمر :
جزاك الله خير الله يوفقك ويخليك بجربها ان شاء اللهجزاك الله خير الله يوفقك ويخليك بجربها ان شاء الله
لما تجربيها لا تنسي تقوليلي كيف كانت التجربة :p
الصفحة الأخيرة