بعد تشجيع البنات لي من بعد تجربتهم لطريقة البرياني للمبتدئات
http://forum.hawaaworld.com/showthread.php?p=24598927#poststop
تحمست انزلكم طريقتي الثانيه في عمل البرياني 00
وهذا البرياني طعمه قريب جدا من البرياني اللي ناكله في المطاعم
المقادير
طماطم متوسطه مقشره نفرمها فرم ناااااعم
نعناع طازج مفروم نااااااعم
زنجبيل طازج مفروم لاعواد رفيعه
فلفل بارد مقطع لشرائح
جزر مبشور خشن
ثوم مهروس
علبة زبادي كبيره او علبتين صغار
سمنه >>اختياري بس انا احس انها تعطي ريحه وخنه حلوه للاكل
بهارات خاصه للبرياني <<<هذي سر نكهة برياني المطاعم راح تستخدم منها ملعقة اكل مليانه
بصله كبيره مقطعه لشرائح نحمرها على نار هاااااديه مع التقليب المستمر ولازم تصبرون عليه يلبنات لانه راح يطول شوي معاكم حتى يوصل للون الذهبي اللي نبغاه
احنى مانبغاه محروق والا يصير لونه بني 00لا؛ لازم يكون على نااار هااااديه علشان نوصل للون الذهبي والنكهه الحلوه
نطحنه مع علبة الزبادي
بهارات عدله
انا استخدمت حبوب الهيل ؛الدارسين؛ الهيل الهندي اللي شكله مثل النجمه ؛ ورق الغار؛ الزنجبيل الهندي؛ حبوب الفلفل الابيض؛
والبهار اللي في العلبه هذا اشتريته من محل في البحرين والهندي اللي في المحل قال لي هذا بهار خاص للبرياني
اللي تعرف اسمه يابنات تقول لنا هو ينحط منه كميه بسيطه لانه اذا كثرنا منه يعطي طعم مروره 00لكن له نكهه مميزه في الاكل
نحمر البهارات العدله بملعقة سمنه علشان تقوى وتفرز كل نكهاتها
نحط اعواد الزنجبيل والفلفل والثوم الجزر 00ويسلاااااام ع الريحه اللي بتشمونها الحين
نضيف الدجاج او اللحم او الربيان كلها لذيذه بهالطريقه
انا هنا استخدمت الدجاج
الحين نضيف ملعقة الاكل لبهار البرياني
ونقلبهم مع بعض 10 دقايق على نار وسط
يتبـــــــــــــــــــــــع
الرجاء عدم الرد حتى اكتمال الموضوع
الحين نضيف الزبادي والبصل المطحون
نقلبهم مع بعص ونخليهم على نار هااااااااديه 00؛لازم نار هاديه علشان مايتكتل معنا الزبادي ولازم ما يكون الزبادي بارد نكون مطلعينه من الثلاجه قبل بفتره
هذا شكله بعد ما نضج انا تركته ثلث ساعه لان دجاجنتي حجمها صغير ومقطعه قطع صغيره
رز مسلوق
نحط طبقه بسيطه من الرز نغطي فيها قاع القدر علشان مايحترق معنا صوص الزبادي
نبدأ نشيل الدجاج لوحده
بعدين نغطيه بطبقة من الرز
بعدين نصب باقي صوص الزبادي
ونغطيه بباقي الرز
ونخليه على نار هااااااديه لمدة ثلث ساعه
انتظروووو الشكل النهائي