زهرة النرجس111 @zhr_alnrgs111
محررة برونزية
البساطات/ قديم
السلام عليكم
امس كنت بالسوق ومريت ع سوق ماتعودت اروح له وهو سوق البساطات اكثرهم حريم كبيرات بالسن لاحظت على وجيههم الفرح من جيتي قامت البساطه تعرض بضاعتها علي من كل شي جميل( حنا وجلابيات واغراض احسها طيبه جدا من الزمن الطيب وجتني فكره حبيت اعرضها لكم هنا وهي
((ادخال الفرح والسرور لقلب المسلم))
اختي
اذا رحتي السوق لاتنسين تمرين على البساطات ما احدد لك مكان
نلقاهم باسطين بالسوق بالحر والغبار واوقات المطريتحملون ظروف الجو عشان لقمة العيش حنا اعتدنا نشوف بسطاتهم نطالع فيها من بعيد ومستحيل نمر اونشتري
ماجا ببالك فكرة ادخال السرور على قلوبهم من خلال الشراء منهم
جربي تشتري أي شي تحتاجينه لو(بيوز للمطبخ) وزودي المبلغ حق الغرض الي اشتريتيه بالي تجود به نفسك حتى لو ريالين رح تشوفين البائعه البسيطة تفرح من انه احد جاء واشترى منها واعطاها زياده لو بسيطه لانه وقت طويل يمر عليهم ولا احد يشتري منهم الابالنادر
لكن جربي تشترين من البساطه و تزودين الفلوس لها بدون تلفتين انتباهها وشوفي الفرحه بعيونها وادعي الله بقلبك انه كما ادخلتي على قلبها الفرح بالمرور عليهم والشرا منهم وتزويدهم المبلغ البسيط ع قيمة الغرض ان يدخل على قلبك الفرح والسعاده ويحقق لك منيتك
هذي فكرتي يارب تعجبكم وان اعجبتكم ادعو لي بتحقيق امنياتي فلاتنسي يااختي ان الدعا للمسلم بظهر الغيب مستجاب والملائكه تؤمن عليه وتدعو لك بمثله
سبحان الله وبحمده سبحان الله العظيم
14
2K
هذا الموضوع مغلق.
فكره مره حلوه تزويد المبلغ الله يجزاك بالخير
انا دايما اشتري من عندهم حلاوة نزع الشعر الحمدلله وما عمري اشتكيت منها
انا دايما اشتري من عندهم حلاوة نزع الشعر الحمدلله وما عمري اشتكيت منها
الصفحة الأخيرة
بارك الله فيك ونفع بك