هلا بنات هالمره جبت لكم البسبوسه التقليديه ولكنها بمقادير مميزه , اخذتها اختي من وحده تعرفها وانا ذقتها عجبتني وطبقتها لكم لانها زبطت معاي من اول مره سويتها وكمان ثاني مره وكمان اي وحده سوتها بنفس المقادير تزبط بدون تردد ماشاء الله
يالله بوريكم طريقتها سهله جدا
صورت لكم الكاسه الي تستخدمينها الي هي كاسة الجبنه الطويله
وكمان فنجان الشاي العادي
هذه للقياسات طبعا
اول شئ اخلطي مع بعض كاسه سميد وكاسه حليب بودره وملقه طعام بكنج بودر وقلبيهم مع بعض مزبوط
واخلطي على جنب علبتين قشطه وفنجان شاي ونص سكر وفنجان شاي وربع زيت واخلطيهم مع بعض تمام
وبعدين اخلطيهم مع باقي المكونات
على فكره بنات هذه افضل طريقه انك تخلطي السوائل سوا والنواشف سوا وبعدين تخلطينهم مع بعض
وتقدرين تسوين هالحركه في نفس الزبديه مو ضروري زبديتين
بعد ماتخلطينهم تمام مع بعض جيبي صينيه صغيره بس الي فيها شوي عرض
يعني مو صغيره مره ولا متوسطه اكيد عرفتوها
وادهنيها بالزيت وحطي البسبوسه وبعدين في الفرن من تحت ولما تستوي كمان من فوق وطبعا الفرن ساخن زي العاده وبعد ماتتحمر شوي من فوق خرجيها وافتحي علبه نستله صغيره وحطيها فوقها وهي ساخنه وبعدين رشي اللوز على الوجه وافتحي العلبه الثانيه وارجعي دخليها الفرن وهو مطفي بس عشان تتشرب البسبوسه الحليب المركز وبعد شوي طلعيها وقطعيها بالعافيه
دعواتكم لأمي وأبوي بالجنه