فيه بنات طلبو مني طريقه البسبوسه الي في موضوعي السابق غداي لزوجي
وهذي البسبوسه فيه اكثر من وحده نزلتها ومنهم صاحبه المعالي والاخت لين الورد وكثير نزلوها
الطعم لا يعلى عليه روووعه بكل ماتعنيه الكلمه من معنى
وهذا كلام زوجي لانه صار مدمن عليها
وانا اخذتها من صاحبه المعالي
وصورتها بالخطوات
انا عملت نصف الكميه
المقادير
ثلاثه ارباع الكوب سميد /نصف كوب حليب /نصف كوب سكر/ربع كوب حليب زيت /نصف ملعقه بكينج باودر/ربع ملعقه فانيليا/علبه قشطه
الطريقه
تخلط كل المقادير مع بعض وراح تكون ثقيله شوي
نضع اكثر من نصف الكميه في الصينيه ونحشيها قشطه بلدي او قيمر
حسب الرغبه او نضع كل كميه البسبوسه ونستغني عن الحشوه
الكميه المتبقيه من البسبوسه نضيف لها ملعقتين مويه ونحركها حتى تكون اسهل في الفرد
ثم نضعها طبقه ثانيه
تدخل الفرن لمدة عشرين دقيقه
نشغل من فوق وتحت واذا تحمرت من فوق نطفي اللي فوق ونتركها تكمل من تحت
وهذي اول ماطلعتها
نسقيها بشيرة الحليب افضل
لان اذا حطينا شيره عاديه يتغير الطعم كليا
انا مجربتها بالطريقتين
طريقه الشيره
نصف علبه حليب بوني انا ماكان عندي الا الحجم البيبي فاخذت اربع
ربع كاسه سكر
تخلط ونضعها على النار حتى تاخذ غلوتين ويذوب السكر ونطفي عليها
والحين بعد ماقطعت البسبوسه
شوفو كيف متماسكه والحشوه تهبل
وهذي قطعه للحلوين
والى لقاء في حلا اخر
الصينيه تكفي 6اشخاص
ادعولي بالتوفيق والسداد وثبات الحمل
وفقكم الله لكل خير وسدد خطاكم
جزاك الله خير