((( 1 )))
البسبوسه
اليوم سويت بسبوسه ومقاديرها سهله والطريقه بعد
بنزل لكم الصور
المقادير:
2 كوب سميد
1 كوب جوز هند
1كوب سكر
نص كوب زيت ذره
ملعقه كبيره بيكنج باودر
قليل من الفانيلا
2 بيض
كريمة كي دي دي
قليل من الهيل
فستق لتزيين
الطريقه :
توضع المقادير جميعها مع بعض وتخلط بالمضرب اليدوي جيدا حتى تختلط جميعها
اثناء خلط المقادير يشغل الفرن من تحت
تدهن البايركس بالهرده (( الطحينيه )) ويوضع الخليط
تدخل الفرن لمده 20 دقيقه دون ان يفتح نهائي
ثم اطفئي الفرن من تحت ويشغل من فوق حتى تشقر
وبالعافيه
(((2 )))
حلو الاوريو
المقادير :
بسكويت اوريو حسب الكميه اللي تبين
حليب نستله ربع العلبه الكبيره او وحده صغيره
حليب كي دي دي (( ولاهل المملكه حليب السعوديه او ندى او نادك ....الخ))
جوز الهند
كاكاو بودره
الطريقه :
يخلط النستله مع الحليب
يغمس البسكويت بالحليب
ثم يوضع بجوز الهند او الكاكاو البودره
ويوضع بطبق التقديم
وبس
((( 3 )))
حلو قهوه
المقادير سهله وبسيطه <<<< خلصي
بسكويت اوريو
كيك امريكانا
حليب نستله
4 جبن كيري
شكولاته بودره نسكويك
فليك
الطريقه:
يقسم بسكويت الاوريو اثنين
نضع بورق الكب كيك واحده من الاوريو بعد تغميسها بالحليب ثم حطي عليها وحده من كيكة امريكانا (( على فكره كيكة امريكانا الوحده نقصها اربعه ))
نضع بالخلاط (( الجبن الكيري والشكولاته والبسكويت الاوريو 8 حبات ونصف علبة النستله ))وتخلطينه لين يقول امين
وحطي الخلطه على الاوريو وكيكة امريكانا اللي بالكب كيك ورشي عليها الفليك
وبالعافيه
