أشكركم من الأعماااااااااااق الله يوفقكم ويسعدكم ويجعل الدنياكم سعادة وآخرتكم راحة ...
أنا من الرياض ....
((استعملى كريم و ماسك اسمة هيدرا ويوجد فى كل الما ركات العالمية و انا استعملت من استى لودر ممتاز ))

وش قصدك كريم وماسك يعني مرطب ولا أساس ... ( استي لودر ) هل أسم الماركه كذا ؟؟ وبكم ؟؟ وين ألقاه ؟ وكل شيئ عنه ؟؟
الغاليه .. رقم ثلاثة ( وحده عجزه تكتب الأسم بالإنجليزي ) وش فايدة المقشر ( أصلا البشره جافة ما تحتاج تقشير )أبغى أفضل مرطب ومن وين ؟
هل الأساس من فور ايفر ممتاز فعلا ؟؟ ومن وين شاريته ؟؟ وليه قلتي عنه انه ممتاز

السلام عليكم

شلونك يا اختي ؟؟

أنا أعرف ماركة كلينك عدل ودايما استخدم كريماتهم

المرطبات عندها 3 انواع في نوع منها اسمه ( مويستر اون لاين )

عجيب كأنه مرهم

وانصحك كذلك بمرطب من سان لوران

صديقتي بشرتها جافه ومتقشره

تحط منه مره وحده بالليل يرطب وجهها طول اليوم بس للأسف ما اعرف اسمه

اسألي خبيرات التجميل في المحلات ويدلونج عليه

ودايما استخدمي منظفات للبشره الجافه واعتني بوجهك قبل كريم الأساس يطلع حلو

وكل يوم دهني وجهك بزيت اللوز يصفي ويلمع ويبيض

واستعملي من اي ماركه ماهو مخصص للبشرة الجافه

ولا تحطين بودر اساس ترى ما يصلح للبشرة الجافه

وفي كريم اساس من ماركة استي لودر اسمه فيوتشرست ممتاز للبشرة الجافه

اتمنى اكون افدتج

(( وادعي لي )):21:

من لي غيرك ?اختى هيدرا مرطب عند ماركة استى لودر ESTEE LAUDER او سان لوران اسالى البياعة الخطوات التى تعمليها

خصصى يوم بالاسبوع للعناية ببشرتك اولا سنفرة مثل التراب خشنة تدلكين وجهك بها ثم تغسلينة

و بعدها ماسك مرطب اسمة هيدرا من ماركة استىلودر او سان لو ران 15 دقيقة و
اغسلى وجهك جيدا و رطبى وجهك بكريم هيدرا من استى لودر

عند ماك MAC كريم اساس ستيك مثل الاصبع الكبير خاص للبشرة الجاااااافة

بعد الاساس لا لا لا تحطى بودرة ابدا لانها تجفف و جهك

تناولى حبوب الفيتامين ممتاز للبشرة و الشعر

اشربى عصير الفواكهة يوميا و لاعطاء و جهك جمال و نضارة و خدود وردية اشربى عصير البرتقال بشكل يومى و للشعر عصير الجزر

خلاص دامك برياض كل شي عندك
في عالم المراه في المملكه وتقدرين تجربين الاساس قبل تشترينه
جربي اساس ماك وقولي للخبيره نوعيه بشرتك وجربي اساس جيرلان نصيحه هالاساس جدا راقي
وجربي اساس فور ايفر ماراح تخسرين ولو اني احسه يناسب البشره الدهنيه اكثر وجربي اساس ديور
وشوفي الي بترتاحين له قبل ما تشترين شي

وعندك في صحارى والفيصليه محلات وجوه وفيسز تلاقين هالماركات عندهم

والتقشير مهم للبشره الجافه اكثر من اي نوع بشره ثانيه ترا

وبالتوفيق :26:

..

.

لون بشرتي غير لون بشرتك
بس جافه مثلك والاساس كان يتقشر
احرصي على تقشير بشرتك كل اسبوع من ماركة جيرلان البشرة الجافة issima
المقشر والماسك وسعره بالكويتى 10 دنانير يعنى الريال 120 يعنى المقشر والماسك 240
ويطول معاك تقريبا 6 شهور صراحة رهيب عن تجربه بس المغذى استعملته ماعجبنى وستعملة لانكوم حلو
وكريم الاساس من جيرلان البشرة الجافة issima