البشرة مرآة النفس ... بدك تكون متل المراية المصقولة ...هون السر ..

يا ميييييييييييييييييية أهلا وسهلا بكل اللي شرفوا .... كيفكن إن شاء الله كلكن بخير ..

شو موضوعي ؟

حبيباتي القصة وما فيها أنو أنا و العياذ بالله من كلمة أنا ، جربت خلطة بس شو طبيعية يعني من المطبخ حبايبي ... ونتائجها والله يابنات ماراح تسدأوا إلا لما تجربوا ...

شو هيي ؟
أكيد راح تسألوني ....
شو رأيكن نعملها مع بعض ...
تفضلواعالمطبخ حبايبي حياكن ...
ماتستحوا البيت بيتكن ... :)

ناوليني حبيبي علبة الشوفان من عندك ...
و أنتي يا أمورة هيه ماء الورد وراكي قربي لنا إياه إذا سمحتي ...
حبيبة قلبي بعد إذنك ممكن تملي لنا هالكباية ميه دافئة ...
شبك حبيبتي ليش مضووجة :angry2: طولي بالك ياقلبي ، عارفة حبيبتي مستعجلة بدك تعرفي شو هالخلطة بسرعة بدك بشرتك تكون حلوة متل رفيقتك :27: ، لا تخافي حبيبتي راح تكون أحسن إن شاء الله أنتي بس طولي بالك شوي ويالله هايني رائحة جيب الخميرة الفورية لنعملها مع بعض ...


عارفة بدكن تقولوا شو هايدا صارت طبخة ... قلي لنا الطريقة وبلا كتر حكي :16: <<<< بدي قلكن شو ورانا خلونا نفرفش شوي :icon28: ...

يالله نرجع لموضوعنا ..

هلا بدنا نحط بهايدا البلاندر تلات معالق كبيرة من الخميرة الفورية و أربع معالق من الشوفان و ملعقتين كبيرة كمان من ماء الورد وطبعا أكيد مع كباية الميه الدافيه ، نخلطن منيح ليصيروا متل الكريم و بعدين بنحطن بشي برطمان قزاز أو تابرويه و بنغطيهن و نتركن بالتلاجة إذا ما راح نستخدمن على طول ، والافضل طبعا أنن ما يطولوا بالتلاجة يعني نخلطن قبل الاستخدام بشوي و ما يكونوا باردين قبل الاستخدام ...

هلا كيف بدك تستخدميهن ؟ و شو فايدتن ؟
أنا راح قلك ...

هلا جهزي لك منشفة قديمة منشان الريحة إذا مابدك و اعملي حمام زيت لشعرك بالمرة ، و اغمري البانيو بالمي الدافية القريبة من السخنه شوي و ادخلي فيها ، وخليكي مسترخيه هيك لحد ما تحسي أنوا جسمك ارتفعت حرارته شوي وبلشتي تعرقي ، بهاللحظه اطلعي و نشفي حالك بالأول وابدي حطي من الخلطة عجسمك و افركي هيك كل المناطق ، وحاولي أنوا الخلطة ما تنشف عجسمك يعني بتضلك تفركيها هيك ما تتركي شي حتى ضوافرك حطي عليها من الخلطة و افركيها و راح تشوفي بنفسك كيف راح تكون بعد ما تغسليهن ، و إذا نشفت بأيا منطقة ارجعي حطي عليها شوي من الخلطة وافركيها ، طبعا أهم شي أنوا الوش كمان أول ما بتطلعي بتحطي عليه و بتفركيه و لو تخصصي وقت لوحده بيكون أفضل يعني قبل ماتبدي بجسمك ابدي بوشك بالأول و بعدين بجسمك طبعا و أنتي بتشتغلي راح تعرقي كتير ووشك عليه من الخلطة وهايدا أكيد راح يفيده لأنوا المسام وقت العرق بتكون مفتوحة و بيستفيد وشك هيك من الخلطة أكتر ..
بعد ما تخلصي فرك لجسمك كلو خلص هلا اشطفي جسمك بمية الدوش العادية وممكن تستخدمي ليفه لإزالة بقايا الخلطة من جسمك ، و طبعا اغسلي شعرك بالشامبو ، وهلا قبل ما تتنشفي راح قلك عسر بيجنن و والله ماراح تسدقي إلا لما تجربيه بنفسك ...

هلا أنتي عملتي تنظيف وتقشير طبيعي لجسمك ووشك و غذيتهن منيح بهالخلطة ، بس أكيد الحمام كتير حار من بخار المي و أنتي حرارة جسمك مرتفعة من حرارة الحمام و من الشغل و التفريك أكيد ، ومسام وشك وجسمك مفتوحين بدك تقفليهن أكيد ، كييييييف ؟ هون السر ...

نادي عأختك و الا بنتك و خليها تجيب لك قارورة العسل من التلاجة اللي جهزيتها لحالك يعني شوي مابدك كتير 5 معالق بتكفي وبزيادة كمان ، ماتدخليها معك قبل لا ، ما بدنا إياها تسخن من الحمام ...

و هيك متل ما قلتلك بعد ماتشطفي جسمك و قبل ما تتنشفي حطي العسل البارد عكامل جسمك ووشك ليقفللك كل المسام ، دقيقة هيك واشطفي بمي و كل ماكانت المي بارده بيكون أفضل .. و هلا تنشفي و البسي و تمتعي ببشرة صحية ...مشرقة .. صافية ... ناعمة و نضرة .... شي ما راح تسدقوا لتجربوا بنفسكن ...

حبيباتي الخلطة هي كتير مفيدة و مغذية للبشرة ، جربتها تلت مرات لهلا مرتين لوشي و مرة لجسمي ووشي و كل مرة عن مرة باحس بفرق في اللون والنعومة و أهم شي النضارة فعلا حاسة بنضارة شكل تاني و بتحسي هيك أنوا وشك منور :27: و غير هيك مشدود وبيلمع فعلا متل المراية المصقولة ، يعني والله أحيانا بفضل لما بشوف وشي هيك أنوا ما احط شي عليه لا كريمات ولاغيره بحس حالي
بتعب بشرتي :( ياحرام لما بسد مسامها بكريمات الأساس و البلاشر وغيرن ، ليش ما أخلي بشرتي تتنفس شوي و ترتاح من هالكريمات اللي باخنقها فيهن كل يوم ....


جربوا وقلوا لنا شو النتايج معكن ....
حبيت فيدكن حبيباتي متل ما فدتوني .... وهلا بسلم عليكن و ببوسكن عراسكن كلكن
:luvkiss: :luvkiss: :luvkiss: :luvkiss: :luvkiss: :luvkiss: :luvkiss: :luvkiss:
و برجع طل عليكن بعدين لشوف شو صار معكن .... بايات حبيباتي