البشره صارت مرمر وروعه من الفراكسل

السلام عليكم ورحمة الله وبركاته
بنات هذه تقنيه لازالة حفر حب الشباب والكلف ونا سويت بحث عنها ولقيت وحده الله يجزاها خير مسويته وذاكره تجربتها ياليت اللي سوته في الرياض تعلمنا بلييييييز بنات لان كلام العضوه حلو بس ودي اكثر تجارب

وهذه تجربت العضوه الله يجزاها خير

آنا كنت اعاني من حب الشباب من كان عمري 13 سنة وتم معاي حب الشباب اكثر من عشر سنين لما عالجت بحبوب روأكوتين وراحت الحبوب وتركت آثارها على بشرتي ونفسيتي

وما خليت طبيب من قنال و احمد رشيد ماكو فايدة

تقشير كيميائي ومو كيميائي هم ماكو فايدة يتحسن الملمس بس الحفر ما تتغير واكثر مكان بالخد قريب عالأذن

وفي مرة كنت رايحة لدكتور محمد عبدالله اللي بعيادة اوباجي بالشعب وكنت رايحة اطق بوتكس للخط اللي بين حواجبي لأني دايما مكشرة

المهم لما شافني قاللي آنا عبالي انتي يايه عشان آثار حب الشباب وقلتله آنا يأست من هالمشكلة واستسلمت ان ماكو حل لها

وهني قاللي عن اختراع عجيب اسمه فراكسل واهو عبارة عن اشعة ليزر تحل مشكلة الآثار والكلف والتجاعيد وقاللي لا تستعيلين فكري وسألي وبحثي بالأنترنت عن هالموضوع

وبعد البحث توكلت على الله وخذيت موعد ولازم تروحين قبل الموعد بساعة ونص عشان التخدير الموضعي وابر التخدير في الأماكن اللي فيها الآثار عميييقة

وكانت الجلسة عبارة عن عذاااااب والجهاز مؤلم تحسين كأنه يغرس ابرة حاااااارة بويهج وطول الجلسة ودموعي تصب ومنهارة لأني ما تخيلت الألم جذي

وشفت ويهي بعد الجلسة واخترعت لأنه كان وااااارم واحمر كأني مسوية عملية مو جلسة ليزر

وطلعت ابجي واقول بعد مستحييييل اعيدها لأنه اهو قال احتاج اربع جلسات بس والله طالعة ودموعي على خدي حتى الدكتور وصلني لباب سيارتي من كثر ما كنت منهاااااارة

وطبعا طول الطريج حاطه الثلج على ويهي وحراااارة رهيبة لمدة 3ساعات وبعدين خفت الحرارة بس تم ويهي وااااارم لمدة 4 أيام منخشة بالبيت وبعدها كان ويهي جاف وفيه قشور خفيفة وعلى طول حاطة حماية حتى وآنا بالبيت

ادري للحين ماكو شي يشجع بس بعد اسبوعين تقريبا ولا ويهي مو ويهي والحفر خفت بنسبة 60% تقريبا مو نفس ما قاللي 20% بكل جلسة وسكت ونطرت الناس يقولون لي ولا فعلا اولهم ريلي مو مصدق بشرتي صارت جذي

خواتي امي اهلي كلهم مستغربين من النتيجة

لدرجة ريلي يقول آنا لازم اروح حق الدكتور واشكره (وقبل يقوللي ماتحتاجين العيار)

وسويت الجلسة الثانية وناطرة الجلسة الثالثة بعد اسبوعين مع ان الكل يقول ما احتاج بس بتأكد ادري صرت طماعة00000000000000000000000000000000000000000000000000000
طبعا انا زهور عطريه وعوذ با الله من كلمت انا اتصلت على المراكز اللي عندهم الفراكسيل وعلى فكره هو 4 انواع واخر شي هو افضل حاجه
اوباجي عندهم جهاز الافيرم الجلسه ب2000
ادمه عندهم الافيرم بس ما اعطوني السعر
مركز ميدكا عندهم جهاز رستور والجلسه تبدا من 1000 الي 3000 ريال
بس ياحلوات الحلو في الجلسات مهوب شرط تسوين كذا جلسه لا انتي تشوفين التحسن اذا عجبك وقفي لو من اول جلسه لوووووووووووووووووووول